Foto TT

سوودوەرگرتنی خراپی جینسی لە کچانی مێرمنداڵ لەڕێی ئینترنێتەوە یەکجار زیادی کردووە

بە گوێرەی هەواڵێک کە هەواڵدەریی سوید ـ تێ‌تێ ـ بڵاوی کردۆتەوە ڕێژەی ئەو سكاڵایانەی لەم دوو ساڵەی ڕابردوودا لە سەر سوودوەرگرتنی خراپی جینسی لە منداڵان و وێنەگرتنی ڕووت لێیان لەلای پۆلیس تۆمارکراون بە شێوەیەکی بەرچاو زیادی کردووە. ئەمڕۆ پیاوێکی ٣١ ساڵە لە مالموێ بە گومانی سوودوەرگرتنی خراپی جینسی لە یازدە کچی مێرمنداڵی نێوان دە و ١٦ ساڵدا مەحکەمەکرا.

ئەم کەسە لە یانیڤەریی ساڵی ٢٠١٢دا بە سکایپ پێوەندیی بە گەلێ کچەوە کرد، ئەویش تەنیا دوو هەفتە دوای ئەوەی لەبەر دەستدرێژی بۆسەر منداڵان لە زیندان هاتبووە دەرێ.

دادستێن ئولریکا رۆگلاند کە بەشێکی ئەم پێشلێکۆڵینەوانەی پەروەندەکەی تەواوکردووە دەڵێ ئەم تاوانەی کراوە زۆر جیددییە و من بە سوودوەگرتنی خراپی جینسی لە منداڵان و هەوڵ بۆ لەشپێدەرخستنیان ناودێر دەکەم.

ئولریکا رۆگلاند درێژەدەدا و دەڵێ ڕێک ئەوەی ئەم کەسانە خۆیان بەدرۆ وەک کوڕێکی گەنج دەناسێنن و پێوەندی بە کچانی مێرمنداڵەوە دەکەن و جێی ترسیان بۆ ناهێڵنەوە بەڵکوو قسەی سەرنجڕاکێشی سێکسیان بۆ دەکەن. من پێموایە ئەم تاوانانە یەکجار گەورە و جیددین.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".