وێنە: هاسسێ هۆڵمبری. TT

دوو هاووڵاتیی سویدی لە توونس مەترسیی زیندانیان لەسەرە

ئەم بەیانییە مەحکەمەیەک لە وڵاتی توونس دژی دوو هاووڵاتیی سویدی دانیەل باککێ و پەر ـ ئۆکێ هێلگێسۆن پێکهات کە لە ئۆکتۆبری ساڵی ٢٠١٢وە لە زینداندان. ئەم دوو کەسە لەسەر ئەرکی شیرکەتی هەواڵگریی ئا.بێ.پێ کە بۆ گەڕاندنەوەی منداڵە ڕفێنراوەکان کار دەکا لە توونس بوون و ئێستا مەترسیی دە ساڵ زیندانیان لێدەکرێ.

ڕۆژنامەی سڤێنسکا داگبلادێت وێڕای گێڕانەوەی ئەم هەواڵە دەنووسێ کە ئەم دوو کەسە بۆ پاراستنی ژنێکی نەرویژیی چووبوون کە پاش ئەوەی مێردەکەی پێشووی کچۆڵە هاوبەشەکەیانی لێڕفاند، سكاڵایەکی لە سەر سەرپەرشتیی ئەم منداڵە لە دادگایەکی توونسیدا بەرزکردۆتەوە. ئەو ژنە خۆی منداڵێکی ساوای هەیە و لێی قەدەغەکراوە کە توونس بەجێبێڵێ. مەحکەمەکە تا ئێستا پێنج جار وەدوا کەوتووە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".