Zehmetiya peydakirina xaniyan li Swêdê problemeke mezin e. Wêne: Jessica Gow/Scanpix

Bo kêşeya xaniyan pêşniyazeke nû pêşkeş dibe

Îro Komîsyona avahîsazên nû, ango Nybyggarkommisionen, ji bo çareserkirina kêmbûna xaniyan pêşniyazeke nû pêşkeş dike. Komîsyon ji çend kesan pêk tê ku yek ji wan serokwezîrê berê Göran Persson e.

Li gorî komîsyonê mirov di xaniyên mezin de dijîn û zû bi zû xaniyên xwe naguherin. Ew dibêjin ku ev şensê ciwanan ê xanîpeydakirinê kêm dike.

Ew dibêjin ji bo ku ev were guhertin divê xerca avahiyan were zêde kirin û baceya ku ji qezenca avahîfirotinê tê standin were kêmkirin. Fikra komîsyonê ew e ku bi vî  awayî dê xanîguhertin erzantir bibe.

Komîsyon dibêje bila standina krêdiyên mezin were zehmet kirin.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Du hittar dina sparade avsnitt i menyn under "Min lista".