Mikael Sjöberg. Wêne: Per Larsson

Ji bo Daîreya Karî midûrekî nû hate tayîn kirin

Hikûmetê midûrekî nû ji bo Daîreya Karî tayin kir. 48 kesan serî li midûrtiya giştî ya Daîreya Karî dabû û hikûmetê biryar da ku midûrê giştî yê nû dê Mikael Sjöberg be.

Sjöberg di halê hazir de midûrê Daîreya jîngeha karî ye. Ew berî niha rêveberê giştî yê Înstîtuya Jiyana Karî (Arbetslivsinstitutet) bû. Wî herwiha weke karmendekî siyasî li Sekreteriya Hikûmetê kar kiribû.

Midûra Daîreya Karî ya berê  Angeles Bermudez-Svankvist di dawiya tebaxê de ji kar hatibû avêtin. Rêveberiya Daîreya Karî diyar kiribû ku hew baweriya wan bi wê dihat û sedema ji kar avêtinê jî ev bû. Heta niha Clas Olsson weke wekîl li cihê midûrtîyê rûdinişt.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Du hittar dina sparade avsnitt i menyn under "Min lista".