Wêne: Henrik Montgomery/TT

Pîrikên Akademiska dev ji kar berdidin

Pîrikên ku li nexweşxaneya Uppsalayê ya Akademiska kar dikin dev ji karê xwe berdidin. Heta niha 28 pîrikan dev ji kar berdane û dibe ku ev hejmar zêde bibe.

Sedema vê yekê meaşên nizm in. Pîrikan xwestiye ku meaşê wan zêde bibe, lê rêveberiya nexweşxaneyê ev yek red kiriye. Nêzîkî 100 pîrikan bi hev re nameyeke protestoyê nivîsîne û teslîmî rêveberiyê kirine.

Midûrê wekîl ê nexweşxaneyê naxwaze tu şîroveyan li ser vê bûyerê bike.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Du hittar dina sparade avsnitt i menyn under "Min lista".