Centerpartiets logotyp. Foto: Claudio Bresciani/TT
1 av 2
Logoya Partiya Navendê, Centerpartiet. Wêne: Claudio Bresciani/TT
Nato:s generalsekreterare Jens Stoltenberg. Foto: Geert Vanden Wijngaert/TT.
2 av 2
Serokê giştî yê yekîtiya Natoyê, Jens Stoltenberg. Wêne: Geert Vanden Wijngaert/TT.
Centerpartiet

Partiya Navendê kongireya xwe li dar dixe

Îro kongireya Partiya Navendê, Centerpartiet, dest pê dike.

Yek ji pirsên herî giring ku dê werin minaqeşekirin, helwesta partiyê derbarê endametiya Swêdê di yekîtiya leşkerî ya Natoyê de, ye.

Tê zanîn ku heta berî çend mehan jî, partî li dijî endametiya Swêdê di tu yekîtiyên leşkerî de bû, lê berî mehekê serkêşiya partiyê nivîsek belav kir, ku dibêje gerek Swêd bibe endama Natoyê. Lê hîn jî ji 4 endamên serkêşiyê, endamek naxwaze Swêd bibe endama tu yekîtiyên leşkerî.

Di kongireyê de, parlamenterê partiyê di Yekîtiya Ewropî de, Fredrick Federley, dê were hilbijartin bo cîgirê duyem yê seroka partiyê. Wî ji bo rojnameya Svenska Dagbladet gotibû ku gerek ew tirsa ji danûstandina bi partiya Demokratên Swêdê re were rakirin.

Wî got ku hikûmetek burjuwa gerek xwe neke bi hacetî piştgiriya Demokratên Swêdê, lê dîsan jî, gerek danûstandin û lihevkirinek bi wan re, di pirsên girîng de, hebe, ji bo ku piraniyeke dengan ji bo pêşniyazên girîng çê bibin.

Seroka partiyê Annie Lööf dê di kongireyê de beşdar nebe, ji ber ku nih zarok jê re çê bûye. Kongire li bajarê Falunê li Dalarna, ji 24-27 mehê li dar e.

Pêwendîdar

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Du hittar dina sparade avsnitt i menyn under "Min lista".