Socialförsäkringsminister Annika Strandhäll (S) presenterar åtgärdsprogram för ökad hälsa och minskad sjukfrånvaro. Foto: Maja Suslin / TT
Socialförsäkringsminister Annika Strandhäll (S) . wêne: Maja Suslin / TT
خانەنشینی

تەمەنی خانەنشینی بەرزدەبێتەوە

سویدییەکان درەنگتر خانەنشین دەبن
1:49 min

حوکوومەتی سوید دەیەوێ پەرلەمانی وڵات بەر لە هەڵبژاردنی سێ ساڵی تر، بڕیار لەسەر بەرزکردنەوەی تەمەنی گشتیی خانەنشینی بدات. لە ٦١ ساڵەوە بۆ ٦٢ یا تەنانەت ٦٣ ساڵ.

هۆکارەکەشی بەگوێرەی قسەکانی ئانیککا ستراندهێل لە وتووێژێکدا لەگەڵ تلەڤزیۆنی سوید چەند شتن:
داهاتی کەسانی خانەنشین زۆر باش نییە، بایخی مووچەی خانەنشینی ئێستا لە چاو پێنج تا دە ساڵ لەوەپێش زۆر کەم بۆتەوە، لەشساغیی مرۆڤەکان گەلێ باشترە و خەڵک دەتوانن ماوەیەکی درێژتریش کار بکەن.

لێرەدایە کە چەکی سیاسەتمەداران بە دژی دابەزینی بایخی مووچەی خانەنشینی، ئەوەیە کە بلا خەڵک لەسەر کارکردنی خۆیان بەردەوام بن! ساڵێک کاری زێدە بۆ خانەنشینان، کاریگەرییەکی دووهێندەی لەسەر مووچەی خانەنشینیان هەیە واتا هەم ئەو مووچەیە بەرزدەبێتەوە هەمیش ئەو پارەیەی بۆ تەمەنی خانەنشینی لەلای بەرپرسان، کۆکراوەتەوە بەسەر ساڵانی کەمتردا دابەش دەکرێ.

دوو ساڵ لەوەپێش کاتێ توێژینەوەی حوکوومەت لەسەر خانەنشینی پێشکەش کرا ئەم پێشنیازەشی تێدابوو کە لانی کەمی خانەنشینی لە ٦١ ساڵەوە بۆ ٦٣ بەرزبکرێتەوە. هەروەها ئەم پێشنیازەش کە بلا سنووری خانەنشینیش لە ٦٧ ساڵەوە بۆ ٦٩ ساڵ زیادبکرێ.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".