Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

وەزیری دەرەوە و وەزیری بەرگریی سوید لە باشووری کوردستانن

بڵاو کرایه‌وه‌ tisdag 3 november 2015 kl 10.45
لەپاش گەڕانەوەیان کۆنفرانسی ڕۆژنامەوانی ڕێکدەخەن
(1:03 min)
Foto: Bram Janssen/TT
Foto: Bram Janssen/TT

وەزیری دەرەوەی سوید مارگۆت ڤاڵستروێم و وەزیری بەرگریی سوید پێتەر هولتکڤیست ئێستا لە باشووری کوردستان، لە شاری هەولێرن.

ئەم دوو وەزیرە شەوی ڕابردوو لەلایەن نێچێرڤان بارزانی، سەرۆکی حکومەتی هەرێمی کوردستانەوە لەشاری هەولێر پێشوازیان لێکرا.

بەشی کوردیی ڕادیۆ سوید بۆ زانیاریی زیاتر سەبارەت بە سەردانەکەی ئەم دوو وەزیرە سویدییە بۆ باشووری کوردستان، پەیوەندی بە هەر دوو وەزارەتی دەرەوە و وەزارەتی بەرگریی سویدەوە کرد، بەڵام لەبەر چەند هۆیەکی ئاسایش ئامادە نەبوون چ لێدوانێک لەسەر ئامانجی ئەم  سەردانە بکەن. لەڕوانگەی هەمان هۆکارەوە لێدوانیان لەسەر کاتی گەڕانەوەشیان بە ئێمە نەدا.

 جێی باسە کە مارگۆت ڤاڵستروێم و پێتەر هولتکڤیست بە فڕۆکەیەکی تایبەتی سەربازییەوە سەرەتا چوونە سەردانی شاری بەغدادی پایتەختی عێراق، پاشانیش سەردانی باشووری کوردستانیان کرد.

 ئەم دوو وەزارەتخانە سویدییە ڕایانگەیاند کە پاش گەڕانەوەی دوو وەزیرەکە بۆ وڵاتی سوید، ئەوا خۆیان لە کۆنفرانسێکی ڕۆژنامەوانیدا ئاماژە بە ئامانجی سەردانەکەیان بۆ باشووری کوردستان دەکەن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".