wêne: Zoltan Balogh/TT, Virginia Mayo/TT
wêne: Zoltan Balogh/TT, Virginia Mayo/TT
Penaberî ... پەنابەری

سیاسەتوانانی سۆسیالدیموکرات لە پێشنیاری مودێڕاتەکان نزیک دەبنەوە

1:42 min

سیاسەتوانانی سۆسیالدیموکرات لە کۆمۆنەکان لەسەرانسەری سوید دا داوای ڕێککەوتنی زێدەتر لەگەڵ حیزبەکانی هاوپەیمانی ڕاست دەکەن تا ڕیژەی پەنابەران کەم بکرێتەوە.

چەندین سیاسەتوانی سۆسیالدیموکرات لەلاوە دەڕواننە پێشنیارەکانی پارتی مودێڕات بۆ دامەزراندنی کۆنتڕۆڵی سنوورەکانی سوید کە لەکردەوەدا پەنابەران ناچار دەکات ئەو وڵاتەی پێیداهاتوون بگەڕێنەوە ئەوێ و لەوێ داوای پەنابەری بکەن. یەکێک لەم سیاسەتوانانەی سۆسیالدیموکرات یوێران داڵستروێمە کە ئەندامی ئەنجومەنی کۆمۆنی کاترینێهۆڵمە.

داڵستروێم دەڵێ بەم شێوەی ئەمڕۆ ناتوانین بەردەوامبین بە وەرگرتنی ئەو ڕێژەی کە دێت. پێویستیمان بە خەڵک هەیە کە بێن بۆ سوید، بەڵام نە بەم ڕیژەی کە ئێستا دێت. ناتوانێت تەنها لەسەر شانی سوید بێت کە بەتەواوی ئەم ئەرکە وەئەستۆ بگرێت.  

سیاسەتوانێکی دیکە، ئەندامی ئەنجوومەنی کۆمۆنی لیدشۆپینگ، شێل هێدڤال بە ڕۆژنامەیەک دەڵێ "هەرکەسێک کە پێیخۆشبێت دەتوانێت بێتە ناو سوید".

ئەندامی ئەنجومەنی کۆمۆنی نۆڕشۆپینگ، لاش خێرنکڤیست باس لەوە دەکات کە بەپێی پرینسیپەوە کۆنتڕۆڵکردنی سنوورەکانی سوید دەبی باسی لەسەر بکرێت.

بەلام تاکوو ئێستا سەرۆکی پارتی سۆسیالدیموکرات، ستێفان لوێڤێن خۆی لە پێشنیارەکانی پارتی مودێڕات پاراستووە. پێشتر گوتویەتی هێشتا دەرئەنجامەکانی نازانین چین. ناتوانین بەخێرا پێشنیار پێشکەش بکەین کاتێک کە دەرئەنجامەکانیان بازانین.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista