Foto: Bertil Enevåg Ericson / TT
Foto: Bertil Enevåg Ericson / TT

فێستیڤاڵی وەرزشی ئەمشەو بەڕێوەدەچێت

سارا شوێستروێم لەچوار بواردا ناوزەدکراوە
1:40 min

ئەمشەو لە هۆڵی گلوبێن لەشاری ستۆکهۆڵم فێستیڤاڵی وەرزشی (Idrottsgalan) تایبەت بەساڵی ٢٠١٥ بەڕێوەدەچێت و باشترین وەرزشەوانی ساڵ خەڵاتی پێدەبەخشرێت.

یەکێک لەهەرە کاندیدە بەهێزەکانی ئەو فێستیڤاڵە مەلەوان سارا شوێستروێمە کە لەچەندین بواردا بۆ وەرگرتنی ناوزەدکراوە. 

جێگەی باسە سارا شوێستروێم لە پاڵەوانێتی جیهانی مەلەوانیدا پایزی ساڵی ڕابردوو لە وڵاتی ڕووسیا توانی دوو خەڵاتی زێڕ، دوو زیو و خەڵاتێکی برۆنز بەدەست بهێنێت. هاوکات توانی دوو ڕێکۆر نوێی جیهانی لە مەلەوانی تۆمار بکات. لەبەر ئەوە پێدەچێت سارا خوێستروێم ئەمشەو چوار خەڵاتی پێبخەشرێت. ئەوانیش لەبوارەکانی، ژنە وەرزشەوانی ساڵ، کۆششکاری ساڵ، هەڵبژاردەی ساڵ و خەڵاتی یێرینگ (Jerringpriset) یی پێبخەشرێ.

 خەڵاتی یێرینگ (Jerringpriset) ئەم خەڵاتە لەلایەن بەشی وەرزشی ڕادیۆی سویدەوە (Radiosportens) دەبخشرێتە بەشترین کۆشکاری وەرزشی ساڵ کە لەلایەن هاوڵاتیانەوە لەڕێگەی دەنگ پێدانەوە دەستنیشان دەکرێت.

بێجگە لەسارا شوێستروێم هەریەکە لە یاریزانانی سکایی یوهان ئولسۆن و خارلۆت کالا، یاریزانی تۆپی پێ زلاتان ئیبراهیمۆڤیچ، هەڵبژاردەی تۆپی پێ سوید خوار تەمەن ٢١ ساڵ کە ساڵی ڕابردوو بەپەڵەوانی ئەوروپا بوون بۆ وەرگرتنی خەڵات ناوزەدکرداون. لەم پێنج وەرزشەوانە کامیان خەڵاتیان پێدەدرێت ئەمشەوە لەڕێگەی دەنگدانەوە لە فێستیڤاڵەکەدا یەکلا دەبێتەوە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".