Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

تێلێنوور کەسێكی حوکمدراو بەتاوانی تیرۆریستی دامەزراندووە

بڵاو کرایه‌وه‌ tisdag 9 februari 2016 kl 16.46
تێلێنوور ڕەخنە لە خۆیان دەگرن
(1:16 min)
Telenor logga Foto: Lise Åserud/TT
Foto: Lise Åserud/TT

کەسێک کە پێشتر بەتاوانی تیرۆریستی حوکم دراوە ، لە کۆمپانیای (Telenor) کراوەتە کارمەندی خزمەتگووزاریی کڕیار (Kundtjänst).

 

ئەو کەسە لە بەشی (Kundtjänst) بۆ ماوەی یانزە ڕۆژ کاری کردووە دەیتوانی زانیاریی هەستیاری کڕیارەکانی بکەوێتە دەست بۆ نموونە لیستی پەیوەندییە تەلەفۆنی و فاکتورەکانیان.  

بەڵام بەرپرسانی کۆمپانیای تیلێنوور دەڵێن ئەو کەسە فریا نەکەوتووە دەستی بەو زانیارییانە بگات و هەر زوو لە کارەکەی دەریان کردووە، لە هەمانکاتدا دان بەوەدا دەنێێن کەموکورتییان هەبووە  کە لە پاشخانی ئەو کەسە نەکۆڵیونەتەوە.

بەرپرسی مێدیا لە تێلێنوور دەڵێت ئەوەی ڕوویداوە کارێکی مەترسیدارە و نەدەبوا ڕوو بدات. ئارۆن ساموێلسۆن هەروەها دەڵێت ئەوەی کە ڕوویدا هۆکارەکەی ئەوە بوو کە ئەو کەسە لە ڕێی کۆمپانیایەکی دەڵاڵی کارمەندی نوێوە هاتە لامان. ئێستا هاوکاریمان لەگەڵ ئەو کۆمپانیایەدا کۆتایی پێ هێناوە.

جێی سەرنجە ئەو کەسە یەکێکە لەو دوو پیاوەی کە لە کۆتایی مانگی ڕابوردوو لە یۆنان بە گوومانی سەفەرکردن بۆ سوریا و پەیوەندی کردن بە گروپی توندڕەوی دەوڵەتی ئیسلامی لە عێراق و شام، ناسراو بە داعش، دەستگیر کران.

جێی ئاماژەیە تێلێنوور بە هاوکاریی دەستگەی پۆلیسی نهێنی سێپۆ لە دۆزی دامەزراندنی ئەو کەسە دەکۆڵنەوە.

 ئەم هەواڵە ڕۆژنامەی (Dagens Nyheter) ئەم دوانیوەڕۆیە بڵاوی کردەوە. 

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".