Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

ئەنتیبیوتیکا بەکتریای نوێ ناکوژێت

بەکتریای سەرسەخت هێشتا دیاردە نییە لە سوید
1:16 min
 FOTO: Therese Jahnson/SvD/TT
FOTO: Therese Jahnson/SvD/TT

ئەو جۆرە بەکتریایانەی بەرگەی بەهێزترین دۆسی ئەنتیبیوتیکا دەگرن لە دوو نەخۆشدا لە سوید دەرکەوتووە، ئەم بەکتریایانە پێشتر لە وڵاتی چین و 20 وڵاتی دیکە دۆزراوەتەوە.

بەرپرسی بەش لە دەستگەی تەندروستیی میللی ئەو پرسە بە جدی دەگرێت و دەڵێت هەرچەندە لەم جۆرە بەکتریایە تا ئێستا لە سویددا نەبووە و دیاردە نییە بەڵام ئەو پرسە زۆر گرنگە بەدواداچوونی بۆ بکرێت چونکە گەر حاڵەتی لەو جۆرە تووشبوونانەمان هەبن ئەوا لە ڕێی وڵاتانی دیکەوە بۆمان هاتووە، واتا بەهۆی سەفەر بۆ وڵاتانی دیکە. بۆیە دەبێت وریا بین تا ئەو جۆرە بەکتریایە لە سویدیشدا بڵاو نەبێتەوە.

گەر بێت و حاڵەتی تووشبوونی دیکە بەو جۆرە بەکتریایە لە سویددا بدۆزرێتەوە ئەوا دەبێت بەشی چاودێریی ئەو نەخۆشانەی بۆ نموونە هەوکردنی سەختیان هەیە و ئەوکەسانەی تووشی ژەهراویبوونی خوێن بوون، دەبێت ئاگادار بن.

دەستگەی تەندروستیی میللی بەردەوام لە چاودێریکردنی بارودۆخەکەدا دەبێت و گەر ژمارەی تووشبووان بە بکتریا سەرسەختەکان زیاد بکات ئەوکات ئێمەش ڕێنمایی و ڕێگە چارەی نوێ دەگرینە بەر،  کارین تێگمارک ڤیسەڵ لە دەستگەی تەندروستیی میللیەوە دەڵێت.

 

 

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".