Foto: Christian Höijer/Sveriges Radio
Foto: Christian Höijer/Sveriges Radio

لاوێک لە کامپی پەنابەران کوژرا

شەڕی نێوان پەنابەران کووشتنی لێ کەوتەوە
0:53 min

کوڕێکی 20 ساڵانە لە کامپی پەنابەران ئێوارەی شەممەی ڕابوردوو لە ناوچەی (Ljusne) لە دەرەوەی سیۆدەرهامن بەهۆی شەڕی نێوان پەنابەران خۆیانەوە, کوژرا.

 لەو شەڕەدا و بەپێی لێدوانی پۆلیس نزیکەی پانزە کەس بەشدار بوون و چوار کەس برایندار بوون، سیانیان لە نەخۆشخانە دەرچوون بەڵام یەکێکیان لە کاتی گەیاندنی بۆ نەخۆشخانە گیانی لە دەست داوە. بەپێی هەندێک سەرچاوە کە بە پۆلیسیان ڕاگەیاندووە گوایا لەو شەڕەدا چەقۆ بەکار هاتووە.

بەو هۆیەوە پۆلیس سێ کەسی بەگوومانی ئەو بریندارییانە دەستگیر کردووە، دوانیان ئازاد کراوون و یەکێکیان بە گوومانی کوشتن و هەوڵی کوشتن لای پۆلیس دەست بەسەرە.

سەرەکوەزیران ستێفان لێۆڤێن لە لێدوانێکیدا سەبارەت بەو ڕووداوە دەڵێت دەبێت باری ئاسایشی ئەو کامپانە بە هەند بگیرێت، لیۆڤێن دەڵێت کەمی جێگە و نەبوونی کارو سەرقاڵی هۆکارن بۆ کەوتنەوەی ئەو جۆرە ڕووداوانە.


بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".