میکایل ڤۆلف، بەرپرسی گشتیی سوێدبناک Foto: Magnus Hjalmarson Neideman/SvD/T
میکایل ڤۆلف، بەرپرسی گشتیی سوێدبناک Foto: Magnus Hjalmarson Neideman/SvD/T

دەرکردنەکەی ڤۆڵف بەهۆی بازرگانیی پشکەوە بووە

سەرۆکی گشتیی سوێد بانک بازرگانیی پشکی کردووە
1:34 min

بەپێی زانیاریی نوێ هۆکاری ئەوەی کە بەرپرسی گشتیی بانکی (Swedbank) لە پۆستەکەی دەرکرا بازرگانی پشکە.

 

لە ڕۆژنامەی (Svenska Dagbladet) هاتووە کە میکایل ڤۆلف بۆیە دراوەتە دەستگەی لێکۆڵینەوە لە تاوان (ekobrottsmyndigheten) جونکە پێش چەند ساڵێک بازرگانی بە پشکەوە کردووە. ئەم زانیارییانە لەلایەن پارێزەری ڤۆلفەوە پشتڕاست کراوەتەوە.

بە پێی پارێزەرەکە گوایا ڤۆلف ساڵی 2013-2014 پشکی لە کۆمپانیای (Oniva Online Group) کڕێوەتەوە. ئەمە لە کاتێکدا ئەو کۆمپانیایە لە قەیراندا بووە. 

ڤۆلف گومانی ئەوەی لێ دەکرێت کە (insiderinformation) واتا زانیاریی ناوخۆیی ئەو بۆرسەیەی لەلابووبێت، واتا ئەو زانیارییەی لە ناوخۆی کۆمپانیای پشکەکەدا هەیە پێش ئەوەی ئاشکرا بکرێت بۆ ڕای گشتی و کە دەبێتە هۆی بەرزکردنەوە یاخوود داشکاندنی نرخی پشکەکان.

بەڵام ڤۆلف واتا بەرپرسی گشتیی دەرکراوی سوێدبانک سەبارەت بەم زانیارییانە دەڵێت من هیچ زانیارییەکی ناوخۆیی ئەو کۆمپانیایەم لا نەبووە و من تەنها پشکم لێ کڕیون هیچ پشکێكم نەفرۆشتووە.

بەپێی ڕۆژنامەی (Dagens Industri) سویدبانک پارەی بە قەرز داوەتە کۆمپانیای پشکی (Oniva Online Group) واتا زانیاری زۆر باشیان لەسەر ئەو کۆمپانیایە هەبووە.

جێی باسە ئاگادار بوون لە زانیاریی ناووخۆیی کۆمپانیای پشک و هاوکات بازرگانی بە پشکەوە لە هەمان کۆمپانیا بە پێی یاسا تاوانە و بەپێی ئاستی تاوانەکە لایەن یان کەسەکە سزای زیندانی دەدرێت.

 

 

هەر لەم پێوەندییەدا

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".