Stefan Löfven. Foto:Henrik Montgomery/TT
Stefan Löfven. Foto:Henrik Montgomery/TT وێنە: Wêne: Henrik Montgomery/TT

لیۆڤێن: خۆشحالین لەگەڵ بەریتانیا ڕێکەوتین

لە کۆبوونەوەی سەرانی وڵاتە ئەوروپییەکان ڕۆژی هەینی مەرجەکانی بەریتانیای مەزن پەسەند کران. ٢٣ یونی لە هەڵبژاردنێکدا، خەڵکی بەریتانیا بڕیاری مانەوەی وڵاتەکە لە یەکێتی ئەوروپا دەدەن.

سیاسەتمەدارە سویدییەکان بەم ڕێکەوتنە و مانەوەی بەریتانای مەزن لە یەکێتی ئەوروپادا خۆشحاڵن. یەک لەوانە سەرۆکوەزیر ستیفان لیۆڤێن بوو.

هەروەها پارتی مۆدێراتەکان و لیبەراڵەکان پێشوازیان لەم ڕێکەوتنە کرد، ئولریکا کارلسۆنی مۆدێراتەکان وتی، خۆشحاڵم بەم ڕێکەوتنە چوونکە بەریتانیای مەزن یەکێکە لە شەریکە هەرە گرنگەکانمان لە پەیوەندی بە بازاڕی ئازاد، گەشەکردن و لێکگرێدانی بازاڕی ناوخۆ، بۆ داهاتووی ئەوروپا خەراپ دەکەوت گەر بەریتانیای مەزنمان لە دەست دابا.

بەڵام یەنس هۆلمی پارتی چەپ ڕەخنەی لەم ڕێکەوتنە هەیە و پێی وایە مەرجەکانی بەریتانیای مەزن بێجێن و بۆی هەیە وڵاتانی تریش بە دوای ئەواندا سیستەمی کۆمەک و کاروباری پەیوەندیدار بە خەڵکی وڵاتانی تر سەختتر بکەنەوە.

 

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".