Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
#minspråk

Dersa zimanê dayikê têra fêrbûnê nake

Hat weşandin måndag 29 februari 2016 kl 12.57
Zimanê dayikê
(2:43 min)
Minoritetsspråk
Grafik: Sveriges Radio

Xwendekarên ku li Swêdê yek ji zimanên kêmneteweyî yên mîna romanî, samî yan jî fînlendî dixwïnin heftiyê herî zêde saetekê vê dersê dibînin.

Radyoya Swêdê rapirsiyek şiyandiye ji hemû şaredariyên Swêdê re û ji bersivan diyar dibe ku zarok ji pêşniyazên têne kirin gelekî kêmtir dersa zimanê dayikê dibînin. 

Leonardo Wisniewski li Angered ya girêdayî Göteborg diçe sinifê nehê û heftiyê carekê ew dersa romanî bi zimanê xwe dibîne:

– Ew zimanê ku ez pê diaxivin dixwazim fêrî zarokên xwe jî bkim da ew jî zarokên xwe fêr bikin. Zimanê me bêhempa ye û min divê di nav malbata me de zimanê me bijî. 

Bes lêkolîneke ku Radyoya Swêdê kiriye nîşan dide ku piraniya zarokên kêmneteweyên swêdî heftiyê saetekê yan jî kêmtir dersa bi zimanê xwe yê zikmakî dibînin û ji bo zindîhiştina zimên pispor vêya kêm dibînin. 

Profesor Jarmo Lainio ku li Zanîngeha Stockholmê lêkolînan dike di koma pispor ya Konseya Ewrûpa de ye:

– Di nav dewletên Konseya Ewrûpa de Swêd dewleta herî li jêr e. Pêşniyaz ew e ku heftiyê herî kêm 3-4 saet dersa zimanê dayikê were dayin da ku ew têra zindîhiştina zimên bike. 

Ji ber vê rewşa heyî Konseya Ewrûpa di nav van 15 salên dawî de Swêd 8 caran hişyar kiriye, lê dîsa jî rewş baştir nebûye. 

Gazineke din ya xwendekaran ew e ku giringiyeke mezin ji bo zimanê dayikê nayê dayin, piranî ew piştî dersên din tê dîtin û hingî zarok ewqas westiyayî ne ku xewa wan tê û nikarin xwe konsentre bikin.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".