Foto: TT
Foto: TT وێنە: Foto: TT

هەموو منداڵێک لەسویددا مافی دابینکردنی چاویلکەیان دەبێت

منداڵانی تەمەنی ٨- ١٩ ساڵ ئەو مافە دەیانگرێتەوە
1:07 min

لە ئەمڕۆوە یاساییەکی نوێ دەێتە گۆڕێ کە هەموو منداڵێک مافی وەرگرتنی کۆمەکی بۆ دابینکردنی چاویلکە دەبێت.

ئەم هەنگاوە یەکێکە لەو بابەتانەی کە پارتی چەپ لە بوودجەی ئەمساڵدا لەگەڵ حکومەتدا لەسەری ڕێککەوتن کە هەموو منداڵێک لەسویددا مافی وەرگرتنی کۆمەکیان تایبەت بەچاویلکە هەبێت.

بەپێی یاسا نوێکە هەموو منداڵێک لەسویددا  لە نێوان تەمەنی ٨- ١٩ ساڵ ئەو مافەیان هەیە، ئیدی گرنگ نییە ئەو منداڵە سوید بێ بیانی بێ مافی پەنابەری هەبێ یان نەی بێت. هەموو منداڵان دەگرێتەوە، مەبەست لەو منداڵانەشە کە هیچ بەڵگەنامەیەکیان لە سویددا نییە.

 ئەو کۆمەکەش هەتاوەکو ٨٠٠ کرۆنی سویدییە. کۆی گشتی بوودجەکە بۆ جێبەجێکرردنی ئەم هەنگاوە حکومەت ١٢٠ ملیۆن کرۆنی تەرخانکردنووە. بەپێی ئاماری ساڵی ٢٠١٣ یی بەڕێوەبەرایەتی گشتی خزمەتگوزاری کۆمەڵایەتی و نەخۆشەوانی (Socialstyrelsen) یەک لەسەر دەیی قوتابیانی قۆناغی سەرەتایی پێویستیان بەچویلکەیە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".