Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

ژمارەی ژن لە سەرۆکایەتی بۆرسەکاندا کەمە

بڵاو کرایه‌وه‌ tisdag 8 mars 2016 kl 12.20
ژمارەی ژن لە سەرۆکایەتییەکاندا کەمە
(1:51 min)
ئاماندا لوندێتیگ بەرپرسی گشتیی دامەزراوەی ئۆڵبرایت
ئاماندا لوندێتیگ بەرپرسی گشتیی دامەزراوەی ئۆڵبرایت

ئەمڕۆ لە ڕۆژی جیهانیی ژندا دامەزراوەی (Allbright) ڕاپۆرتێکی سەبارەت بە نایەکسانی لە سەرۆکایەتی کۆمپانیاکانی بۆرسەدا خستۆتە ڕوو.

ئەو دامەزراوەیە لە ڕاپۆرتەکەیەندا ئاماژە بەوە دەکەن کە ژمارەی ژن لە سەرۆکایەتی کۆمپنایاکانی بۆرسەدا لە زیادبووندایە بەڵام زۆر خاو، گەر وا بڕوات ساڵی 2040 ژمارەی ژن لەو سەرۆکایەتیانەدا یەکسان دەبێت بە ژمارەی پیاو. 

ڕووناکییەک لەو ڕاپۆرتەدا ئەوەیە کە لە حاڵی حازردا 32 کۆمپانیا ژمارەی ژن و پیاو لە سەرۆکایەتییەکەیاندا یەکسانە. لە نێو ئەو کۆمپانیایانەی کە بەدواداچوونیان بۆ کراوە کۆمپانیاکانی خانووبەرە لە توانیویانە زۆرترین ژمارەی ژن بگەیەننە ئاستی سەرۆکایەتی، بەڵام لەوان یەکسانتر کۆمپانیاکانی بازرگانییە کە لەسەدا 27 ی سەرۆکایەتییەکانیان ژنن.

بەڵام لە 282 کۆمپانیای بۆرسە 77 یان تەنها پیاو بەڕێوەی دەبەن تەنانەت یەک ژنیش لە گروپی سەرۆکایەتییاندا نییە. لەو 26 کۆمپانیا نوێیەی کە تۆمار کراون هیچ ژنێک پۆستی بەڕێوەبەری گشی نییە.

بەرپرسی گشتیی دامەزراوەی ئۆڵبرایت ئاماندا لوندێتێگ دەڵێت، وامانزانی ئەو کۆۆمپانیا نوێیانە ڕەوتە باوەان دەشکێنن و ژمارەی ژن لە سەرۆکایەتییەکانیاندا زۆرتر دەبێت لە کۆنەکان، کەچی بە پێچەوانەوە هەر بۆیە هەشت لەو کۆمپانیا نوێیانە سەبارەت بە پرسی یەکسانی دەچنە لیستی ڕەشەوە.

ئەو لیستە ڕەشە ناوی ئەو کۆمپانیایانە تۆمار دەکات کە ژن لە سەرۆکایەتییەکانیاندا نییە.

جێی باسە دامەزراوەی ئۆڵبرایت ڕاپۆرتی خۆیان پێشکەش بە وەزیری یەکسانی ئۆسا ڕێگنەر کردووە. رێگنەریش دەڵێت پرسی نایەکسانی لە سەرۆکایەتی کۆمپانیاکانی بۆرسەدا پرسێکی سیاسی نییە بەڵکە ئەرکی کۆمپانیا و سەرۆکایەتییەکەیانە کاری بۆ بکەن.  

 

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".