به‌رنامه‌ی هاوینی رادیۆ زایه‌ڵه‌

زایه‌ڵه‌، به‌شی کوردیی رادیۆی نێونه‌ته‌وه‌یی سوید ئه‌مساڵیش بۆ دووهه‌م ساڵ، شه‌ش به‌رنامه‌ی تایبه‌تی هاوین ئاماده‌ ده‌کا که‌ تێیدا چه‌ند میوانی هه‌ڵبژارده‌، دێن و بۆ ماوه‌ی نیو سه‌عات له‌گه‌ڵ گوێگران ده‌دوێن و باسی ئه‌و شتانه‌ ده‌که‌ن که‌ ده‌یانه‌وێ گوێگران بیزانن و ئه‌و مۆسیقا و گۆرانییانه‌ لێده‌ده‌ن که‌ حه‌زیان لێیه‌ گوێگران بیبیسن. ماوه‌ی هه‌ر به‌رنامه‌یه‌ک نیو سه‌عاته‌ و به‌م زوانه‌ له‌ سه‌عات ده‌ و نیوی ڕۆژانی دووشه‌ممه‌ی هه‌رهه‌فته‌یه‌ک بڵاو ده‌کرێنه‌وه‌ و ڕۆژی پێشتریشی به‌ ڕێگه‌ی شه‌پۆلی کورتی ڕادیۆوه‌ بۆ ڕۆژهه‌ڵاتی ناوه‌ڕاست په‌خش ده‌بن.

ئه‌گه‌ر بێته‌وه‌ بیرتان، له‌ به‌رنامه‌ی هاوینی ساڵی ٢٠٠٤ی زایه‌ڵه‌ بۆ وێنه‌ ئه‌م میوانانه‌ به‌شدار بوون:

عه‌تا نه‌هایی، چیرۆکنووسی نیشته‌جێی شاری بانه‌

خالید ساڵح، ڕۆژهه‌ڵاتناس، مامۆستای زانکۆ و ڕاوێژکاری پارله‌مانی کوردستانی باشوور

له‌یلا خاله‌ندی (ته‌وار)، شاعیر و وێبلاگنووس

که‌مال گوێرگوێ، شانۆکار و ئه‌کته‌ری سینه‌ما و تله‌فزیۆن

و نارین فه‌قه‌، سترانبێژ

له‌م ناوه‌دا دوو به‌رنامه‌ی هاوینی که‌ قسه‌کانی عه‌تا نه‌هایی و له‌یلا خاڵه‌ندی بوون گه‌لێ سه‌رنجیان راکێشا و له‌ سه‌ر داوای گوێگران چه‌ند جار بڵاو کرانه‌وه‌.

بۆ به‌رنامه‌ی هاوینی ئه‌مساڵ (٢٠٠٥) ئه‌م که‌سانه‌ بانگهێشتن کراون:

سیامه‌ند هه‌ورامی، شاعیر و گۆرانی‌نووس

لۆرین به‌رزنجی، خوێندکار و گۆرانیبێژ

فازیل جاف، ده‌رهێنه‌ری شانۆ

سه‌حه‌ر ڕه‌سایی، چیرۆکنووس

مه‌حموود له‌وه‌ندی، نووسه‌ر و مامۆستای زمانی کوردی

و جوان حاجۆ، گۆرانیبێژ.

ڕیزی په‌خشی به‌رنامه‌کانی هاوینی ئه‌مساڵ به‌مجۆره‌ ده‌بن:

سیامه‌ند هه‌ورامی، دووشه‌ممه‌ ١٨‌ی یوولیی ٢٠٠٥

لۆرین به‌رزنجی، دووشه‌ممه‌ ٢٥ی یوولیی ٢٠٠٥

فازیل جاف، دووشه‌ممه‌ یه‌کی ئاگۆستی ٢٠٠٥

مه‌حموود له‌وه‌ندی، دووشه‌ممه‌ ٨ی ئاگۆستی ٢٠٠٥

سه‌حه‌ر ڕه‌سایی، دووشه‌ممه‌ ١٥ی ئاگۆستی ٢٠٠٥

و جوان حاجۆ، دووشه‌ممه‌ ٢٢ی ئاگۆستی ٢٠٠٥

به‌رنامه‌کانی به‌ زاراوه‌ی کورمانجیی خواروو، سۆرانی، ناسری سینا ئاماده‌ی کردوون و به‌رنامه‌کانی کورمانجی ژورووش، شیلان ئۆتلوو. گوێبیسی ئه‌م به‌رنامانه‌ بن و بیروڕای خۆتانیشی له‌ سه‌ر بێژن.
ئه‌وانه‌ش که‌ حه‌زیان لێیه‌ به‌ سی‌دی یه‌ک یا چه‌ند به‌رنامه‌یه‌کیان هه‌یانبێت ئه‌وا ده‌توانن په‌یوه‌ندی به‌ زایه‌ڵه‌وه‌ بکه‌ن یا ئه‌وه‌ی که‌ له‌ فرۆشگه‌ی ڕادیۆ سوید به‌ نرخێکی که‌م بیکڕن.
ناونیشانی ماڵپه‌ڕی فرۆشگه‌ی رادیۆ سوید: (http://www.diode.com/srtpcd)

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".