Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

Hevbendî pêşniyaza karî ji bo nûhatiyan dike

Hat weşandin tisdag 15 augusti 2017 kl 12.29
Reformeke Karî
1:15 min
.
Wêne: Vilhelm Stokstad/TT

Partiyên hevbendiya mixalefetê reformeke hevbeş ji bo bazara karî bi navê riya karî (Inträdesjobb) pêşkêş kir. Li gor hevbendiyê dê di demek kurt de û bi riya vê reformê 25 000 – 40 000 kar bêne peyda kirin.

Ev reform îro û bi amadebûna nûnerên her çar partiyên hevbendiyê hat ragihandin. Li gor Anna Kinberg Batra seroka Moderatan problema herî mezin ya Swêdê ew ferq e ya di navbera xwedîkar û bêkaran de ye.

Ev Reform ji bo nûhatiyan û wan ciwanan e yên bê dîplom in. Mebest ew e ku ew herî zêde bo demê sê salan bên damezrandin û di wî demî de ew %70 kar bikin û %30 xwe di warê karî de perwerde bikin.

Buhayê vê reforma riya karî bo her salekê dê 1,8 milyard kron bin û xwediyê karî dê baca karî nede. Miaş jî dê heta %70 ji miaşên durist yên wê branşê bin.

Hevbendî diyar dike ku mebets ji vê reformê ne kêmkirina miaşan e, lê vekirina riyê ye li ber derfetên nû yên karî.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".