,
وێنە: Adam Wrafter/SvD/TT

بەشێکی پەنابەرە سورییەکان داوای ئیقامەی هەمیشەیی دەکەن

لە ٤٠ پەنابەر یەکێکیان ئیقامەی هەمیشەیی وەرگرتووە
1:38 min

زۆربەی هەرە زۆری پەنابەرە سورییەکان کە ئقامەیان وەرگرتووە، ئیقامەکەیان کاتی بووە. بەڵام ئێستا لە کاتی داوای درێژکردنەوەی ئیقامە کاتییەکەیان، هەندێکیان لەبەر ئەوەی دەتوانن بژێوی خۆیان دابین بکەن، لە جێگەی ئیقامەی کاتی داوای ئیقامەی هەمیشەیی دەکەن.

جێی باسە بەپێی دەزگای کۆچی سوید، هەتاوەکو ئێشتا بەگشتی دەزگای کۆچ نزیکەی ٧٠٠٠ داخوازینامەی تایبەت بە درێژکردنەوەی ئیقامەی کاتی پێگەشتووە. لە کۆی ئەو ڕێژەیە ٢٥٠ پەنابەریان داوایان کردووە کە ئیقامە کاتییەکەیان بۆ بکرێت بە هەمیشەیی، لەبەر ئەوەی ئەوان کاریان هەیە و توانیویانە و دەتوانن بژێوی خۆیان دابین بکەن. بەڵام لەکۆی ئەو ٢٥٠ پەنابەرە، دەزگای کۆچ بڕیاری تەنها لەسەر ٤٠ کەیس داوە. لەو ٤٠ کەیسەش یەکێکیان ئیقامەی هەمیشەیی پێدراوە و ٣٩ کەسەکەی دیکەش ئیقامە کاتییەکەیان بۆ درێژ کراوەتەوە.

جێی ئاماژەیە ئەو کەسانەی کە ئیقامە کاتییەکەیان بۆ نەکراوە بە هەمیشەیی پەیوەندی بەوەوە هەبووە کە مەرجاکانی کاریان پڕ نەکردۆتەوە.

دەزگای کۆچی سوید هەروەها بە بەشی کوردی ڕایۆی سویدی ڕاگەیاند کە زۆربەی ئەو کەسانەی ئەم داخوازیانەیان هەبووە پەناری بە ڕەچەڵەک سوریین.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".