Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
.
وێنە: Jessica Gow/TT
هەزاران کەس ناویان دەکەوێتە دەستگەی کرونوفوگدەن
1:49 min

ژمارەیەکی زۆر قەرزی خوێندنیان هەیە و بەهۆی ئەوەی کە نازانن مافی دواخستنی قەرزەکەیان هەیە، دەکەونە دەستگەی (kronofogden).

- مارییا ئێدسترۆم بەرپرسی نووسینگە لە دەستگەی (CSN) دەڵێت بەداخەوە کە ژمارەیەکی وا کەم ئاگاداری مافی کەمکردنەوەی مانگانەی قەررزەکەیانن و لە خۆڕا ناویان دەکەوێتە دەستگەی (kronofogden)، ئێدسترۆم دەڵێت هەوڵ دەدەین لەو بارەیەوە باشتر زانیاریی بدەین.

لە بەداوادچووینێکی دەستگەی قەرزی خوێندن (CSN-Centrala studiestödsnämnden) دەرکەوتووە بە هەزارەها کەس بە هۆی ئەوەی کە نازانن بە پێی یاسا مافی دواخستن یاخود کەمکرنەوەی مانگانەی قەرزدانەوەکەیان هەیە، کەوتوونەتە دەستگەی ئیجرا (kronofogden) واتا دەستگەی دەستبەسەراگرتنی ماڵ و موڵک بەهۆی نەدانەوەی قەرزەوە.

تەنها لە ماوەی ساڵی ڕابوردوودا نزیکەی 86 هەزار کەس بەهۆی نەدانەوەی قەرزی خوێندنەوە ناویان کەوتۆتە دەستگەی کرونوفوگدەن.

لەسەدا 40 واتا نزیکەی 38 هەزار لەو کەسانە مووچەی مانگانەیان هێندە کەم بووە کە بە پێی یاسا مافی ئەوەیان هەبووە قەرزدانەوەکەیان دوا بخەن یاخود مانگانەی قەرزدانەوەکە کەم بکەنەوە. بەڵام ژمارەیەکی کەم لەم مافەی خۆیان ئاگادار بوون.

جێی باسە دەستگەی قەرزی خوێندن لە ئێستادا لە هەوڵی ئەوەدایە لە ڕێی ئێس ئێم ئێس و پەیوەندیی تەلەفۆنییەوە ئەو کەسانەی لە خوار تەمەنی 30 ساڵییەوەن ئاگادار بکاتەوە کە نزیکن لەوەی ناویان بچێتە دەستگەی (kronofogden).

مارییا ئیدسترۆم لە دەستگەی قەرزی خوێندن (CSN) هەروەها دەڵێت، ئەو کەسەی قەرزی خوێندنی هەیە و ناتوانێت قەرزەکەی بداتەوە با پەیوەندیی بە دەستگەکەوە بکات بۆ دۆزینەوەی ڕێگەچارەیەکی گونجاو.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".