Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
.
وێنە: Staffan Lövstedt/TT
گوێ بگرە‌
2:13 min

ڕێکەوتنی خاوەنکاران و سەندیکای کرێکاران سەبارەت بە مووچەی تازەهاتووان نزیکە

بڵاو کرایه‌وه‌ fredag 10 november 2017 kl 09.01

بەشی هەواڵەكانی ڕادیۆی سوید ئێکۆت (Ekot) بۆی دەرکەوتووە کە خاوەنکاران وسەندیکای کرێکاران دەربارەی پرسی کاری تازەهاتووان وا خەریکە ڕێک دەکەوەن.

فشار لەسەر لایەنە جوداکانی بازاڕی کار دەربارەی ئەو پرسەی کە ئایا چۆن یارمەتی تازە هاتووان بکرێت، بۆ ئەوەی ئاسانتر بێنە ناو بازاڕی کار، زیادی کردووە.

لایەنە جوداکانی ئەم پرسە، ئەم پاییزە لە گفتووگۆدابوون و پێ دەچێت ئێستا بە دەرئەنجام بگەن.

بە گوێرەی پێشنیارەکە کەسانی تازە هاتوو و هەروەها ئەو کەسانەی کە ماوەی دوورودرێژ بێ کار بوون بە مووچەیەکی کەمتر دادەمەزرێن. بەشێکی مووچەکە لە ئەوستۆی خاوەنکارە و بەشەکەی تری کۆمەکێکی دەوڵەتییە و ڕاستەوخۆ دەڕوات بۆ تاکە کەسەکە.

بەپێی ئەو زانیاریانەی بە دەستی ئێکۆت گەیشتوون قەرارە ئەم مۆدێلی کارە بۆ ماوەی پێنج ساڵ تاقی بکرێتەوە و ئەو کەسانە دەگرێتەوە کە تازەهاتوونەتە سوید و ئیقامەیان وەرگرتووە، هەروەها ئەو کەسانەی کە تەمەنیان لە ژێر ٢٥ ساڵە و زیاتر لە شەش مانگ بێکار بوون و ئەو کەسانەش کە تەمەنیان لە سەر ٢٥ ساڵە و زیاتر لە یەک ساڵ بێکار ماوونەتەوە. ئەم کۆمەکی دامەزراندنەش لانی زۆر بۆ ماوەی ٢ ساڵ دەدرێت.

ئەگەرچی جارێ وردەکارییەکانی پێشنیارەکە دیار نییە، بەڵام زانیارییەکان وا نیشان دەدەن کە مووچەی ئەم کارە تازانە لە ئاستی ئەو کارانەدا بێت کە مووچەی نزمیان هەیە. واتە ١٦ تا ١٨ هەزار کرۆن لە مانگدا.

جێی باسە وەزیری بازاڕی کار ئێلڤا یوهانسۆن پێشتر ڕایگەیاندووە، گەر بێت و خاوەنکار و سەندیکاکانی کرێکاران لەگەڵ یەک ڕێککەون ئەوا حکوومەت ئامادەیە بە دانی ئەو بڕە کۆمەکە

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".