.
وێنە: Pouria Pakizeh/ISNA via AP

”دوێنێ شەو قسەمان لەگەڵ کردن، دوای چەند سەعاتێک وتیان نەماون”

3:18 min

بەهۆی بوومەلەرزەکەی دوێنێ شەو لە هەرێمی کوردستان و شارە سنوورییەکان نێوان عێراق و ئێران چەندین کوردی سوید کەسوکاریان لە دەست داوە.

ئەنعام کەرەمی دانیشتووی گەڕەکی نۆڕتێلیە لە ستۆکهۆڵم، چوار کەس لە خزمە نزیکەکانی لە سەرپێڵی زەهاو لە دەست داوە، براژن، برازا، دایکی براژن و پورزایەک . دوێنێ شەو لە ڕێگەی گروپێکی بنەماڵەیی ڤایبێر بۆ یەکەمجار هەواڵەکەی بیستووە.

لەو بوومەلەرزەیەدا کە 7.2 پلەی ڕێختەر بەهێز بووە، زیانی ماددیی و گیانیی لێ کەتۆتەوە و بە پێی سەرچاوە مێدییاییەکان تا ئێستا 7 کەس لە هەرێمی کوردستان گیانیان لەدەست داوە و دەیانی دیکە بریندارن، جگە لەوەش چەندین خانوو و بینای کەلەپووری زیانیان پێ گەشتووە.

بەپێی زانیارییەکان ناوەندی بوومەلەرزەکە لە شاری هەڵەبجە لە هەرێمی کوردستان و شاری کرماشان لە ئێران بووە. جگە لەوە پاشلەرزە گەشتۆتە چەند شارێکی دیکە لە عێراق، ئێران، تورکیا و سوریا.

هەرچەندە تا ئێستا نازانرێت دروست زیانەکانی بومەلەرزەکە چەندە بووە بەڵام زەرەری زیاتر لە ناوچە کوردییەکانی سنووری نێوان عێراق و ئێران کەوتووە، لە شاری سەرپێڵی زەهاو کە سەر بە پارێزگای کرماشانە و زۆرترین زەرەری گیانیی لێ کەوتۆتەوە، ژمارەی قوربانیان بەزیاد لە 200 کەس مەزەندە دەکرێت، بە هەزاران کەسیش ماڵوحاڵیان لێ تێکچووە و ئاوارە بوون.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".