.
وێنە: MAJA SUSLIN

”دانانی میکرۆفۆن بۆ پاراستنی ئاساییش کارێکی باشە”

2:15 min

هەندێک لە دانیشتووانی گەڕەکی هیوسبی پێیان باشە پۆلیس میکرۆفۆن لە گەڕەکەکەیان دابنرێت.

سەبارەت بەوەی کە پۆلیس ستۆکهۆڵم مۆڵەتیان پێ دراوە بۆ کەمکردنەوەی ئاستی تاوانکاریی میکرۆفۆن لە ناوچەی یارڤا، واتا گەڕەکە چڕبیانییەکانی ڕینکەبی، تێنستا و هیوسبی دابنێن بەشی کوردیی ڕادیۆی سوید سەردانی گەڕەکی هیوسبیمان کرد و دوو لەو هاوڵاتییانە ڕای خۆیان بەم شێوەیە گەیاند.

بەڵام ئامینە بە پێچەوانەی ئەو دوو هاوڵاتییەوە پێی وایە دانانی میکرۆفۆن کارێکی باش نییە لە کاتێکدا ڕەنگە گفتوگۆی ئاسایی نێوان خەڵکی تۆمار بکات، باوەڕیش بەوە ناکات کە پۆلیس دەڵێن قسەی خەڵکی لەو میکرۆفۆنانەوە نابیسترێت.

ئامینە دەڵێت ئەو کامێرانەی لە مانگی مای ڕابوردوو دانران دەرئەنجامی باشی هەبووە و هەست بە ئارامی و ئاساییش دەکەین، ئەو کامێرانە بەسە و پێویست بە میکرۆفۆن ناکات.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".