Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
rohingya
کامپی ئاوارە ڕۆهینگییەکان لە بەنگلادش وێنە: A.M. Ahad
گوێ بگرە‌
(2:25 min)

"ئەوەی بەسەر ڕوهینگییەکان دێت ئاپارتایدە"

بڵاو کرایه‌وه‌ tisdag 21 november 2017 kl 09.44

ڕاپۆرتێکی نوێی ڕێکخراوی نێونەتەوەیی ئامنێستی پێشێلکارییەکانی دژ بە کەمەنەتەوەی ڕوهینگییەکان لە بورما نیشان دەدات.

- بریتیس ئێدمان بەرپرس لە ڕێکخراوی ئامنیستی لە سوید دەڵێت ئەو جیاکارییەی بەرامبەر بە ڕوهینگییەکان دەکرێت هێندە بە شێوەیەکی ڕێکخراو و بەردەوام بەڕێوە دەچێت و لە ئاستێکی مەترسیداری وا دایە کە جگە لە ئاپارتاید هیچیتر نییە.   

جێی باسە ئەمڕۆ کۆبوونەوەی (ASEM) لە نێوان یەکییەتیی ئەورووپا و چەندین وڵاتی باشووری ڕۆژهەڵاتی ئاسیا لە بورما کۆتایی هات، پرسی ئاوارەبوونی کەمەنەتەوە و ئاینیی ڕۆهینگییەکان لە بورما لە پێشەنگی گفتوگۆکانی ئەو کۆبوونەوەیە بوون.

کۆتاییهاتنی ئەو کۆبوونەوانە هاوکاتە لە گەڵ ڕاگەیاندنی ڕاپۆرتێکی نوێی ئامنێستی کە دوو ساڵە کاری لەسەر دەکەن تێیدا بارودۆخی روهینگییەکان وەک ئاپارتاید واتا جیاکاری ڕەگەزی وەسف دەکات.

لەو کۆبوونەوانەدا مارگۆت ڤاڵسترۆم وەزیری دەرەوە وەک نوێنەری سویدی بەشدار بوو. ڤاڵسترۆم لەم ڕۆژانەی دواییدا سەردانی کامپی پەنابەرە ڕوهینگییەکانی لە بەنگلادش کردوو و ئەمڕۆش بەنیازە چاوی بە سەرۆکی بورما بکەوێت.

ئامنێستی لەو ڕاپۆرتەی ئەمڕۆیاندا ئاماژە بەو پێشێلکارییانە دەکەن کە دژ بە گرووپی ڕوهینگییەکان لە نێو بورمادا ئەنجام دەدرێت و چۆن ژیانیان لێ تاڵ کراوە.

 بریتیس ئیدمان لە ڕێکخراوی ئامنیستی لە سوید دەڵێت بۆ نموونە ڕوهینگییەکان پەڕاوێز خراون و بۆیان نییە هەندێک ڕیگەی وشکانی بەکار بهێنن، ئەو ناوچانەی تێیدا دەژین جگە لەوەی پەرژین کراون خزمەتگوزاریی تەندروستی و فێرگە بۆ منداڵان تێیدا بەردەست نییە و دابینکردنی بژێوی کارێکی سەختە.  

ڕوهینگیییەکان بۆیان نییە ئەو لادێ پەڕاوێزە بێخزمەتگوزارییانە بەجێ بهێڵن و گەر بە نیازی کارێکی وا بن ئەوا بۆیان هەیە بگوێزنەوە لادێیەکی دیکەی هاوشێوە کە موسوڵمانە ڕوهینگییەکانی تێدا دەژین. ئەمە جگە لە و سەدان هەزار روهینگییەی کە ناچار کراون بورما بەجێ بهێڵن و بەرەو سنوورەکانی بەنگلادش بەڕێ بکەون.

جا گەر بە نیاز بین ئەو پێشێلکارییانەی دژ بە مافەکانی مرۆڤ لە ڕاخاین کە شوێنی نیشتەجێبوونی ڕوهینگییەکانە لە بورما، بوەستێنین ئەوا دەبێت ئەو جوداکاری و پەڕاوێزکارییەی کە دەیان ساڵە دژ بە ڕوهینگییەکان پەیڕەو دەکرێت کۆتایی پێبهێنرێت، بەڕای ئامنسێستی ئینتەرناشناڵ.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".