.
وێنە: ATTA KENARE

یارمەتی بۆ لێقەوماوانی بوومەلەرزەکەی کرماشان کۆدەکرێتەوە

1:14 min

نزیک دوو هەفتە دوای کارەساتی بوومەلەرزەکەی ڕۆژهەڵاتی کوردستان هێشتاش هەر یارمەتیی ماددی بۆ زیانلێکەوتووانی ئەم ڕووداوە کۆدەکرێتەوە.

لە شارەکانی ستۆکهۆڵم و یۆتێبۆری ڕۆژی شەممە و یەکشەممە لە ڕێگەی کۆنسێرت و گاڵایەک ھاوکاریی دارایی بۆ لێقەوماوان و زیانلێکەوتووانی بوومەلەرزەکە کۆدەکرێتەوە.

لە ستۆکهۆڵم ڕۆژی شەممە ڕێکەوتی ٢٥ی مانگ ڕێكخراوی (Defend Kurdistan) گاڵایەک لە (Ekhammarskolan) بە بەشداریی چەندین هونەرمەند و کەسایەتیی ناوداری کۆمەڵگای سوید، وەکو هونەرمەند ناسر ڕەزازی، چەندین یاریزانی تۆپی پێ و چەندین چالاکوانی‌تر بەڕێوەدەبات. ئەو پارانەش کە کۆدەکرێنەوە بەڕێدەکرێن بۆ زیانلێکەوتووانی بوومەلەرزەکەی شاری کرماشان و دەوروبەری.

ڕۆژی یەکشەممە ٢٦ی نۆڤامبریش لە (Lundbygymnasiet) لە شاری یۆتێبۆری، کۆنسێرتێک هەر بە مەبەستی کۆکردنەوەی پارە بۆ لێقەوماوانی بوومەلەرزەکەی ڕۆژهەڵاتی کوردستان ڕێکدەخرێت. کۆنسێرتەکە بە هاوکاریی چەندین ڕێکخراو لە شاری یۆتێبۆری و هەرێمی ڤێسترا یۆتالاند بەڕێوەدەچێت و چەندین هونەرمەندی کورد و ئێرانی بەشداریی تێدادەکەن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".