Däckbyte.
Wêne: Fredrik Sandberg / TT

Înî roja dawiyê ya guhertina tekeran e

1:15 min

Li gor Birêvebriya Vaguhastinê (Transportstyrelsen) gerek e hemî tekerên erebeyan yan seyareyan yên havînê heta roja înî bêne guhertin bo yên zivistanê.

Teker yanî taîreyên zivistanê dikarin heta dawiya meha adarê li ser rêyên Swêdê bên bi kar anîn. Ev ji hemî rengên erebeyên sivik û giran digire yên li Swêdê di hereketê de ne. Ev rêdar nebes bo wan erebeyan e yên ku li Swêdê qeyd kirîne, lê herweha yên qeyda derveyî Swêdê hene û li Swêdê li kar in.

Tekerên mîxkirî (dubbdäck) dikarin di navbera 1 meha deh heta 15 meha çar bên bi kar anîn. Wê çaxê her şofêrek bi xwe dikare rewşa rêyê hilbisengîne bê ka ew şemitî ye û pêwîstî bi wan tekeran heye yan na. Ev ji bilî wan rêyên polîs bi xwe ji şofêran re dest nîşan dike ku divê ew li wan rêyan heta dawiya wextê destnîşan kirî wan tekerên zivistanê bi kar bînin.

Nebikaranîna tekerên zivistanê di wextê jê re destnîşankirî de, dê xwediyê erebeyê neçar bike ku 1200 kronan wekî ceza bide.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Du hittar dina sparade avsnitt i menyn under "Min lista".