Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Mobîltelefon di erebeyê de.
Wêne: FREDRIK SANDBERG / TT
Guhdar bike
(1:55 min)

Êdî ajotina erebeyê û telefon di destî de nabe

Hat weşandin torsdag 30 november 2017 kl 13.14

Ji 1 meha du ya sala 2018ê nabe mirov erebeyê bajo û mobîltelefon di destî de be. Hikûmet vê, tevî hinek rêkarine din yên nû di trafîkê de îro radigehîne.

Wezîrê avahiya bingehîn (infrastruktur) Tomas Eneroth vê biryara hikûmeta xwe zelaltir dike û dibêje mebesta wan ew e ku destên şofêrî di demê ajotinê de li ser stêrinê erebeyê bin.

Tomas dibêje nabe mirov di demê ajotinê de çi amrazên wekî telefonên destî bi kar bîne, ji ber ku ew weha dike ku dîqeta mirovî nemîne li ser ajotinê.

Li gor biryara ku ji 2013ê û heta niha li trafîkê li kar e nabe mirov mobîltelefonê di demê ajotinê de bi awayekê weha bi kar bîne ku zererê bigehîne ajotinê.

Ev biryara nû bikaranîna destî ya mobîltelefonê di demê ajotinê de qedexe dike. Ev dikare bibe dawiya çerxê şandina mail û smsan bi telefonê di demê ajotinê de.

Gelek kes bi wê bawerê ne ku bikaranîna telefonê di demê ajotina erebeyê de sedema gelek bûyerên trafîkê ye.

Polîsê trafîkê li Växjö Tyko Pattberg bi vê biryarê dilxweş e. Bi nerîna wî telefon bala mirovî ji trafîkê dûr dixe û çend saniye bes in ku ew bibe egera bûyerekê.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".