Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
.
وێنە: Janerik Henriksson/TT
”ڕینکەبی وەک گۆڕەپانی جەنگ وایە”
2:19 min

بارودۆخی گەڕەکی ڕینکەبی لە ستۆکهۆڵم هێندە ترسناکە کە دەکرێت بە گۆڕەپانی جەنگ وەسف بکرێت، بەڕای لیسا تام بەرپرسی یەکەی گشتیی دژ بە تاوانکاریی ڕێکخراو.

-ڕینکەبی وەک مەیدانی جەنگ وایە، پۆلیس لەوێ وەک سوپا کار دەکەن. لیسێ تام دەڵێت.

ئەو پێی وایە کە بۆ چارەسەری کێشەکانی گەڕەکی چڕبیانیی وەک ڕینکەبی دەتوانرێت سوود لە ئەزموونی کۆلۆمبیا وەربگیرێت و بپرسین ئەوان کاتێک گەریلاکانی فارسیان لە چەک داماڵی چۆنیان کرد، یاخود لە سلڤادۆر دوای تەواوبوونی جەنگ چییان کرد. ناوچەکانی دیکەی دوونیا کە چەندان ساڵ کێشەی وا گەورەیان هەبووە چیان کردووە و چۆن بەردەوام بوون. 

بەڵام ئەم وەسفکردنەی ڕینکەبی وەک گۆڕەپانی جەنگ لەلایەن وەزیری پێشووی ناوخۆ کە ئێستا بەرپرسی گرووپی سۆسیالدیموکراتەکانە لە پەرلەمان ئەندەرش ئیگێمان ڕەخنەی لێ گیراوە و دەڵێت، پێویست ناکات بارودۆخی ئەو ناوچانە لەوەی کە هەیە گەورەتر بکرێت،

ئیگێمان دەڵێت پۆلیس لەو ناوچانەدا ئەرکی خۆیان بەجێ هێناوە و بۆ نموونە تەقەکردن لە هەندێک لەو ناوچانە کەم بۆتەوە، لە شاری مالمۆ ژمارەیەکی بێوێنە نزیکەی 90 کەس بە گومانی تاوان بەندن.  

جگە لە ئەندەرش ئیگێمان سیاسەتمەدارانی هەرێمی یارڤا کە گەڕەکی ڕینکەبیش دەگرێتەوە دژ بە وەسفکردنی ڕینکەبین وەک گۆڕەپانی جەنگ، محەمەد نوور بەرپرسی سۆسیالدیموکراتەکان لە گەڕەکی تێنستا دەڵێت، ئێستا من لە ڕێنکەبی دەژیم و منداڵێشم لە لە تێنستا بووە، کە گوێم لە وشەی هەرێمی جەنگ دەبێت سوریا و یەمەنم دێتە بەرچاو کە بە ڕاستی لە جەنگدان.

محەمەد نور دەڵێت ڕاستە کێشە و ململانێی زۆرمان هەیە بەڵام نابێت زێدەڕۆیی لە هەڵسەنگاندنی بارودۆخە بکەین.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".