.
وێنە: Fredrik Sandberg/TT

فێرخوازانی (SFI) لە کاتی تاقیکردنەوەی گشتییدا فێلیان کردووە

2:00 min

فێرخوازانی زمانی سویدی بۆ بیانیان (SFI) لە شاری کارلسکرونا لە کاتی ئەنجامدانی تاقیکردنەوە گشتییەکاندا (Nationella prov) فێڵیان کردووە. بەم هۆیەش چەندنین فێرخواز ناچار کراون تاقیکردنەوەکان دووبارە ئەنجام بدەنەوە.

ئێستا ده‌ستگه‌ی کاروباری فێرگاکانی سوید  (Skolverket)سکاڵای لەسەر ئەم ڕووداوە لای پۆلیس تۆمار کردووە.

بەڕیوەبەری گشتی فێرگاکە گونیلا بەریمان بە جیددی دەڕوانێتە ئەم ڕووداوە و دەڵێت نابەرابەرییەکی زۆرە بەرامبەر بە ئەو کەسانەی تاقیکردنەوەکان بە درووستی ئەنجام دەدەن.

جێی باسە گوومانی دزەکردنی پرسیارەکان لای مامۆستاکان کاتێک درووست بوو کە چەدنین فێرخواز وەڵامی پرسیارەکانیان ڕیک وەک یەک بوون. گونیلا بەریمان بەڕێوەبەری فێرگاکەی کارلسکرونا دەڵێت دیار بوو کە وەڵامەکان لەبەرکرابوون.

دوواتریش دەرکەوت کە وەڵامەکان لە گرووپێکی فەیسبووکدا بڵاو کراونەتەوە.

ئێستا ئەو فێرخوازانەی کە گوومانی ساختەکارییان لێ دەکرێت ناچارن ٥ هەفتەی تر چاوەڕێ بن و دووبارە تاقیکردنەوەکان ئەنجام بدەنەوە.

شیرین ئەلدەراجی کە خەڵکی ئێراقە و ئامینە موشەنی خەڵکی ئەفغانستان، هەردوویان  دەرسی (SFI) دەخوێنن. بە بروای ئەوان ئەو کەسەی کە فێڵ دەکات پێش لە هەموو شت غەدر لە خۆی دەکات. ئامینە دەڵێت من باوەڕم بە دزەکردن نییە، مرۆڤ دەبێت بە ماندووبون خۆی فێر بکات و هەوڵ بدات کاری ئەرێنی ئەنجام بدات.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista