.
وێنە: Maja Suslin/TT

تۆمەتبارانی دەستدرێژییە سێکسییەکەی فیتیا ئازاد کران

1:27 min

ئەمڕۆ دادگای سەرەتایی سۆدێرتۆرن بڕیاری ئازادکردنی ئەو ٥ پیاوەی دەرکرد کە ساڵی پار بە تاوانی دەستدرێژی سێکسی لە گەڕەکی فیتیا لە شاری ستۆکهۆڵم تۆمەتبار کران.

دادوەری بەرپرسیار لە دۆزەکە ئێریکا هێمتکێ ئەمڕۆ هۆکاری ئازادکردنەکەی گەڕاندەوە بۆ ئەو بەڵگانەی کە لەبەر دەستن و وتی بەڵگەکان کەمن و ناکرێ بەوەی لەبەر دەستدایە تۆمەتباران سزا بدەین.

دادستێنی گشتی (Kamaråklagaren) مارکوس هانکۆ داوای کرد دوو لە تۆمەتبارەکان بە تاوانی دەستدرێژیی گران حووکمی شەش ساڵ زیندانی بدرێن. کەسی سێهەمیش بە تۆمەتی هەمان تاوان بە چوار ساڵ زیندانی سزا بدرێت. و دوو کەسەکەی تریش بە تاوانی هاوکاریکردنی دەستدرێژی جنسی، بە دوو ساڵ زیندانی سزا بدرێن.

جێی باسە ساڵی پار لە مانگی هەشتدا ژنێکی سی ساڵان لە کاتی کڕینی مادەی هۆشبەر دەکەوێتە بەر پەلاماری چەند پیاوێک. دوای ئەوەی ئازار دەدرێت، بۆ ماوەی چەند کاتژمێرێکیش دەستدرێژی سێکسی لێ دەکرێت و دوو لە پیاوەکان فیلم لە ڕووداوەکەش هەڵدەگرن.

بەشی هەواڵەکانی ڕادیۆی سوید ئێکۆت ڕایگەیاند کە هەر پێنج پیاوەکە لەم تۆمەتە ئازاد کراون و هەموویان وتەکانی ژنەکە ڕەد دەکەنەوە و دەڵێن کە ئەوان لە شوێنی ڕووداوەکە بوون و کاری سێکسیشیان لەگەڵ کردووە، بەڵام ئەوەی کە ڕووی داوە ویستی هەمووان بووە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".