.
وێنە: Johan Nilsson/TT

بڵاوبوونەوەی نەخشەی بیناکانی پۆلیس لە تۆڕی ئینتەرنێت

1:40 min

زانیاری ورد سەبارەت بە نەخشەی بیناسازی بەشێک لە بیناکانی پۆلیس لە تۆرەکانی ئینتەرنێتدا بڵاو بوونەتەوە. ئەمەش بەو مانایەیە کە پلانی بیناکانی پۆلیس لەبەر دەستن و هەرکەسێک حەز بکات دەتوانێ دەستراگەیشتنی پێیان هەبێت.

لەو پلانە بیناسازیانەی ناوەندەکانی پۆلیسدا، نەخشەی ڕوون و ئاشکرا سەبارەت بە ناوەندەکانی چەک و تەقەمەنی پۆلیس، ژوورەکانی لێپێچینەوە، شوێنگەی کامێراکانی چاودێری و زانیاری وردی تری ئەو بینایانە لە بەردەستدان. ئەو نەخشە بیناسازیانە لە کاتی نۆژەنکردنەوەی هەندێک لەو ناوەندانەی پۆلیسدا بڵاو کراونەتەوە کە دواتر لابردن و کۆکردنەوەیان لە بیر کراوە.

بەرپرسی بەشی ئەمنی لە پۆلیس لارش بیۆرسوند پێ وایە کە بڵاو بوونەوەی ئەو نەخشە بیناسازیانە شتێکی نەگونجا و نەخوازراوە.

بیۆرسوند دەڵێ: 

دەبوایە نەخشە و پلانەکانی بیناسازی لە دوایی کۆتایی کار و پرۆژەکانی نۆژەنکردنەوە کۆکرابانەوە و لابرابان.

شارەزای بواری تیرۆر ماگنوس رانستۆرپ پێی وایە ئەو زانیاریانەی لەو فایلە ئینتەرنێتیانەدا بڵاو بوونەتەوە هەستیارن و لەوانەیە زەرەر بە پۆلیس بگەیەنن گەر بکەونە دەستی کەسانی تاوانکار. 

لە ڕووی ئەمنییەتیەوە ئەوە کێماسی و هەڵەیەکی گەورەیە ڕوویداوە و نابی پلانی ناوەندەکانی چادێری پۆلیس و نەخشەی بنکەکانی تری پۆلیس لەبەردەستدا بن.

شارەزای بواری تیرۆر ماگنووس رانستۆپ وا دەڵێ.

 شایانی باسە هەر دوابەدوای بڵاو بوونەوەی ئەم هەواڵە، بەڕێوەبەرایەتی پۆلیس دەستبەکار بووە و لە هەوڵی ئەوەدایە فایل و زانیارییەکان لە سەر تۆڕەکانی ئینتەرنێت پاک بکاتەوە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista