.
وێنە: BJÖRN LARSSON ASK / SvD / TT

١،٤ ملیارد کرۆن بۆ چارەسەری دەروونی تەرخان دەکرێ

1:00 min

بڕی ئەو پارەیەی تەرخان دەکرێ بۆ گرینگیدان بە بواری تەندرووستیی دەروونی بۆ ساڵی ٢٠١٨، نزیکەی یەک ملیارد و ٤٠٠ ملیۆن کرۆنە. ئەمە دوای ڕێککەوتنی نێوان حکومت و ڕێکخراوی کۆمۆن و پارێزگاکانی سوید (SKL) بڕیاری لەسەر دراوە.

بە پێی هەواڵی ئاژانسی (TT)، ڕێکەوتنەکە چەندین بەشی جیاجیا دەگرێتە خۆ. ڕێککەوتنەکە باس لەوە دەکا کە کۆمۆنەکان بە جیا و  پارێزگاکان و ناوچەکانی وڵاتیش بە جیا، هەر یەکە بڕی ٣٥٠ ملیۆن کرۆنیان بۆ دابین دەکرێ. سەرجەمی بڕە پارەکە کە دەکاتە ٧٠٠ ملیۆن کرۆن، بۆ پێشڤەچوون لە بواری چارەسەری نەخۆشییە دەروونییەکان تەرخان دەکرێ.    

یەکێک لەو بوارانەی تر کە بڕی ٢٢٠ ملیۆن کرۆنی بۆ دابین کراوە، بەشی نەخۆشییە دەروونیەکانە لە بنکەکانی چارەسەریی سەرەتایی (primärvården) پارێزگا و ناوچەکان. 

شتێکی نوێی بەرچاو لە بودجەکەی ئەمساڵدا، بڕی ئەو ٤٠ ملیۆن کرۆنەیە کە تەرخان کراوە بۆ چارەسەری دەروونی ئەو منداڵ و گەنجانەی تازەهاتوونەتە سوید و داوای پەنابەریان کردووە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista