Den misstänkte mannen, vars ansikte är pixlat, förs in i rättssalen av vakter.
Den åtalade mannen förs in i rättssalen. وێنە: Carina Melin/Sveriges Radio.

بە هۆی پیلانداڕشتن بۆ خەتەنەکردن کەسێک حوکمی زیندان درا

1:27 min

پیاوێک بەرنامەی داڕشتوە کچەکانی بباتەوە بۆ وڵاتی خۆیان و خەتەنەیان بکات. ئێستا بەم هۆیە شەش مانگ حوکمی زیندانی بەسەردا سەپاوە.

دایکی کچەکان دەزگا دەوڵەتییەکانی لە بەرنامەی پیاوەکە ئاگادر کردەوە. ئەو خۆی هەر لەبەر ئەو هۆیەی کە مێردەکەی کچەکان خەتەنە نەکات وڵاتەکەی خۆیانی بەجێهێشتووە. بەڵام شەش مانگ دوایی مێردەکەشی هات بۆ سوید. ئەودەم بەڵینی دا کە کچەکانی خەتەنە نەکات، ئەگەرچی خەتەنەکردن نەریتێکی باو و گرنگە لە وڵاتەکەیان.

پاییزی ساڵی پار داوای مافی پەنابەریی خێزانەکە ڕەد کرایەوە و بڕیاری دەرکردنیان بۆ دەرچوو. ئیتر ئەو کات بوو کە پیاوەکە بە هاوکاریی باوکی و پیاویکی تر لە وڵاتی خۆیان دەستیان بە بەرنامەدانانی خەتەنەکردنەکە کرد. پیاوەکە دەڵی لە ترسی باوکم ئەو کارەم کردووە، ئەگەر بگەڕێمەوە و کچەکان خەتەنە نەکەم گیانم لە مەترسییدایە. ئیتر بەم شێوەیە ویستویە لەگەڵ باوکی ئاشتی بکات.

بەڵام لە حوکمەکەی دادگای سەرەتاییدا هاتووە کە ئەو لە ژێر هیچ فشارێکدا نییە و هەروەها بۆ ڕزگار کردنی خۆی مافی ئازاردانی کەسی سێهەمی نییە.

تایبەتمەندی ئەم حوکمە ئەوەیە کە ئەمە بۆ یەکەم جارە کەسێک بە هۆی بەرنامە داڕشتن بۆ خەتەنەکردن مەحکوم دەبێت.

بە ڕای بەیان ناسح سەر بە تیمی نەتەوەیی تواناسازیی لە بواری پرسی ناموسپەرەستی ئەم حوکمە ئیشارەیەکی گرنگە. تەنیا ئەنجامدانی خەتەنە کردن تاوان نییە، بەڵکۆ بەرنامەدانانیش بۆی تاوانە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".