.

Kesên navên erebî hene rastî cudakariyê dibin

2:26 min

Kesên bi eslê xwe ereb in, di pêvajoya karpêdanê de, zêdetir rastî cudakarî û dîskrîmasyonê dibin. Ev ji têzek e zanîngeha Lund diyar dibe.

Psîkolog Sima Wolgast di teza xwe de wê berçav dike ku kesên navên wan erebî ne, wekî nimûne di demê hevdîtina kardanê de, ne wek herkesê din miamele pê re tê kirin.

Ew dibêje demê ji navê wî kesê li karî digere diyar dibe ku ew ereb e, li demê hevdîtina kardanê ya pê re, li ciyê ku pirsiyarên peywendî bi karî ve hene jê bên kirin, ew pirsiyarên peywendî bi kompetensa civakî, nirxandinên swêdî û hevkariya di navbera kesan de jê dikin.

Lê ku kesên li karî digerin swêdî bin, pirsiyarine din jê tên kirin, wekî ka tu çawa miameleyê li gel stresê dikî, ka tu çawa nakokiyekê çareser dikî û pirsên ji wî cureyî yên girêdayî ciyê karî.

Di beşekê vê lêkolîna Sima Wolgast de pirsiyar ji 50 kesên di warê kardanê de kar dikin hatin kirin, bê ka ew çi pirsiyaran ji kesên li karî digerin dikin. Ji formên wan pir kiribûn diyar bû ku pirsiyarên wan bo kesên xwedî navekê erebî ne wek wan in yên bo swêdiyekî. Pirsiyarên bo erebekî peywendî bi pêçêbûn û kompetensa karî nebû.

Beşê sê yê lêkolînê derbarê biryara karpêdanê bû. Di encamê de kesên bi navên erebî û ji Rojhilata Navîn bûn kar wernegirtin, her çi qas îmkan û zanîna wan ya karî hebû. Swêdiyên ku nîv îmkan û zanîna wan ereban hebû ji bo karî hatin wergirtin.

Bi gotina Sima sedema vê cudakariyê ew e ku mirov dixwaze karî bide kesên ji nifşê xwe û lewma hemiyên kar wergirtin swêdî bûn.

Lê, bes demê ku xwediyê karî dike merc ku kar bes bo wan bin yên ji bo karî çêtir û bi îmkantir in, wê çaxê yên navên erebî hene û îmkana karî heye bêhtir şansa karwergirtinê heye.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Du hittar dina sparade avsnitt i menyn under "Min lista".