.
وێنە: Wiktor Nummelin/TT

یەکێتیی ئەورووپا لە ڕێکەوتننامەی ناوکیدا دەمێنێتەوە

1:39 min

ئەورووپا هەوڵ دەدا پشتگیریی ئەو کۆمپانیایانە بکا کە دەیانەوێ پەیوەندییە بازرگانییەکانیان لەگەڵ ئێران درێژە پێبدەن و سویدیش پشتیوانی لەم هەوڵە دەکات.

یەکێک لە بابەتە سەرەکییەکانی لوتکەی یەکێتی ئەورووپا لە سۆفیا پەیوەندیی یەکێتییەکە بوو لەگەڵ ئامریکا و ئێران. سەرانی یەکێتیی ئەورووپا کۆکن لەسەر ئەوەی پشتگیریی ڕێکەوتننامە ناوکییەکەی ئێران و وڵاتانی رۆژئاوا بکەن و هەوڵ بدەن کۆمپانیاکانی ئەورووپا درێژە بە پەیوەندییە بازرگانییەکانیان بدەن.

ستێفان لۆڤێن لە لێدوانێکدا بۆ ڕادیۆی سوید ڕایگەیاند:

 ئەو ڕێکەوتننامەیە پەیوەندیی بە ئاسایشی ئەورووپا و جیهانییەوە هەیە و دەبێ هەوڵ بدەین کە بمێنێتەوە. هاوکات دەبێ ئەوەش ببینین ئیمزاکردنی ئەم ڕێکەوتننامەیە لە بەرژەوەندیی ئابووریی ئێرانیشدا بوو چونکە دوای ئیمزاکردنی ڕێکەوتننامەکە سزاکان لەسەر ئێران لاچوون.

کاتێک وەزیری دەرەوەی ئێران ڕۆژی سێشەممە چاوی بە وەزیرانی دەرەوەی فەڕانسا و ئاڵمانیا و بەریتانیا لەگەڵ سەرۆکی یەکێتیی ئەورووپا کەوت دەیویست کە یەکێتیی ئەورووپا گەرەنتییەک بدا بە ئێران کە پەیوەندیی بازرگانیی کۆمپانیا ئەورووپاییەکان لەگەڵ ئێران بەردەوام دەبێ، بەڵام بەر لەوەی برۆکسل بەجێ بهێڵێت ئەوا هیچ گەرەنتییەکی لەلایەن وەزیرانی دەرەوەی وڵاتانی ئەورووپاوە دەست نەکەوت.

بەڵام لە کۆبوونەوەی لوتکەی یەکتێیی ئەورووپادا ئەو وڵاتانە بەشێوەیەک ڕێک کەوتن لەسەر ئەوەی کە پشتگیریی ئەو کۆمپانیایانە بکەن کە بە هۆی بڕیاری هاتنەدەر و سزاکانی ئامریکاوە زەرەرمەند دەبن ئەگەر کۆمپانیاکە بیەوێ لە پەیوەندییە بازرگانییەکانی خۆی لەگەڵ ئێران بەردەوام بێ. ئەمە بە گوێرەی سەرچاوەیەکی یەکیەتییەکە لە لێدوانێکدا بۆ ڕادیۆی سوید.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".