Zêdetir şagird sinifa nehê derbas dikin

2:09 min

Statîstîkeke nû ya Daîreya giştî ya dibistanan (Skolverket) eşkere dike ku hejmara şagirdên îsal sinifa nehê timamkirine û dikarin biçin lîseyê ji par zêdetir e.

Peter Fredriksson birêveberê giştî yê Daîreya giştî ya dibistanan awayê nû yê dibistanên swêdî û hebûna zanîneke baş derbarê ka çi ji bo şagirdan baştir e û ka çi pêwîst e bê kirin wekî sedema vê pêşkeftinê dibîne.

Îsal 4600 şagirdan bêhitr ji par xwendina pêwîst ji bo ketina lîseyê derbas kir. Yanî %84,4 ji sercema şagirdên sinifa nehê encamên baş bidest xistine û ev di hevberkirinê de li gel parsal nêzîkî %2 zêdebûye.

%90 ji şagirdên dêûbavên wan swêdî ne xwendina xwe baş derbas kir, lê ji yên ku dêûbavên wan esil biyanî ne %86,1 di xwendina xwe de serkeftin.

Herweha ji vê statîstîkê diyar dibe ku bandora paşxaneya dêbavan ya perwerde û xwendinê li ser encamên şagirdan yên xwendinê heye.

Ji nav wan şagirdên ku dêûbavên wan perwerde û xwendineke ser lîseyê heye %93 sinifa nehê derbas kir. Lê ji yên ku dêûbavên wan bê xwendina bilind in %78,1 şiyan encamên serkeftî di xwendinê de bi dest bixin. Hindî ku ew şagird in yên ku dêûbavên wan lîse nexwendine, bêhitr ji nîva wan di xwendina xwe de serkeftin.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Du hittar dina sparade ljud i menyn under Min lista