Nina Afanasjeva. Govva: A-M Ahlén.

Ruoššabeale sámedikki álggaheapmi

Sii leat pláneme válljet lahtuid ruoššabeale sámediggái, vaikko Murmanska eiseválddit vuostálastet Sámedikki ásaheami. Guoládaga sámesearvvi jođiheaddji Nina Afanasjeva muitala eai leat doarvái ruđat bidjat barggu johtui.

Guokte jagi áigi dolle Guoládat-sápmelaččat kongreassa. Kongreassas  mearridedje ahte Murmanska Sámiráđđi galgá rievdat Sámediggin. Rievdadanbargu galggai ádjánit guokte jagi.

Dal guokte jagi maŋŋil mearrádusa sii leat plánema ođđa kongreassa juovlamánus. Kongreassas galget válljet stivralahtuid ođđa Sámediggái.  Dakkár kongreassa ii leat nuvttá, dál sis váilut ruđat.

Deaŧaleamos Ruoššabeale ođđa Sámediggái, leat juridiikalaš jearaldagat. Ovdamearkka dihte sii gáibidit lágaid mat addet sápmelaččaide njuolggusvuođaid bivdit ja guolástit sin árbevirolaš eatnamiin.
Dal sis lea beare okta láhka, ja dat lea boazodoalloláhka Dan maid dárbbašivččii buoridit, muitala Nina Afanasjeva, gii sávvá ruoššabeale Sámediggi boahtá johtui.

Anna-Maria Ahlén ja Sara Björne
sameradion@sr.se

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".