Vapsten

Boazoeaiggát surrá boahtteáiggis

Sotnabeaivvi gávdne báhččon bohcco Boxfjäll gilážis Deartna oarjelis, boazoeaiggát dovdá dáhpáhusa unohassan go dat dáhpáhuvai su dálloguoras.

Mii leat dáppe Per-Henning Utsi luhtte norgga ráji alde, Vapsten čearus oarjelis Deartna. Su viđajahkásaš nieiddaide gal lea muitalan ahte lea geatkki dahku, muhto dat báhččon boazu gávdnui bassi iđida su gárddis dálloguoras.

Boliissat eai dieđe gii lea báhčán bohcco go eai leat gávdnan makkárge luottaid dahje duođaštusaid, ja leat ge danin loahpahan guorahallamiid ja vurdet dál ođđa dieđuid. Mannan vahku sivahalloje ge Vapsten čearu miellahtut rihkkon bivdolágaid, ja nu čuožžilii ge stuora gaskavuohta čearu ja gili olbmuid gaskii. Muhto boliissat eai dieđe báhččon boazu guoská mannan vahku dáhpáhusaide.

Dáppe dán gilážis dat báhččui varis boazu gárdái. Per-Henning Utsi ii hálet su dállu dahje gárdi govvejuvvo beaivečuovggas, ja son ii dieđe gii dan sáhttá dahkan ja dáhpáhus lei ilgat.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".