Dán jagás albbasbivdu mearriduvvon

Norrbottena leanahálddáhus lea mearridan ahte ožžo vuohčit 5 albasa dán jagas albbasbivddus Norrbottenis ja ahte bivdu galga čađahuvvot dušše dain guovlluin gos gávdnojit eanemus albasat. Diibmá leai Norrbottenis lohpi vuohčit 24 albasa.

Västerbottenis ožžot dán jagi vuohčit 8 albasa ja diibmá leai earri 35 albasa.

Sivvan manin leat unnidan bivdoeari lea ahte albbasnálli obba Ruoŧas lea unnon sakka. Muhto lea ain vejolaš ohcat suodjalusbivddu jus lea dárbu.

Jämtlanddas gis ožžot bivdit seamma olu albasiid dán jagi go diibmá. Albbasbivdu bistá 1/3 gitta 15/4 rádjái.

Britt Inger Sikku

SVT Oððasat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade ljud i menyn under Min lista