Ođđa girji galgá addit buoret ipmárdusa álgoálbmotaššiid birra

1:39 min

Ođđa dutkangirjjis čalmmostahttojuvvo álgoálbmogat ja identitehta.

Per Axelsson ja Peter Sköld, sámi dutkanguovddážis Upmi universitehtas leaba čállán girjji ja Sköld sávvá ahte girjji veahkehivčče riikkaid ipmirdit álgoálbmotáššiid buorebu ja ahte oktageardánis govva álgoálbmogiin jávká. 

- Go stáhtat mearridit geat leat álgoálbmogat de šaddá dávjá oktageardánis ja boasttu govva álgoálbmogiin, dadjá Sköld ja meidne ahte boađus šaddá ahte álgoálbmogat geat eai soaba dán govvii šaddet olggobeallai ja masset rivttiideaset.

Ovdamearkka dihte Ruoŧas gávdno ollu statistihka boazodoalu ja boazoeaiggádiid birra muhto iežá sámiid birra eai leat makkárge logut.

- Ii leat vejolaš vástidit man galle sápmelačča gávdnojit, iige gallis leat universitehtas lohkame, dadjá Peter Sköld.

Girjjis leat dutkančállosat ovccii riikkain ja girji almmuhuvvo riikkaidgaskasaš lágádusas mii gávdno Oxfordas ja New Yorkas. Dainna lágiin girji almmuhuvvo máilbmeviidosaččat ja Peter Sköld doaivu dan veahkehit iešguđet stáhtaid ipmirdit álgoálbmotáššiid ja dainna maid buoridit iežaset álgoálbmotpolitihka.

Thomas Sarri

Thomas Sarri

Sameradion
070-269 61 62

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet: