Austrália

Ruvkefitnodat ii bala Sámiráđis

Australia ruvkefitnodat Hannan mii oamasta Kiruna Iron AB áigu álggahit ruvkki Ráhkkuris Girona lullelis. Fitnodat dadjá ahte čuovvu ruoŧa lága go Sámiráđđi oaivvilda ahte fitnodat vealáha Leaváža ja Girjása boazosámiid olmmošvuoigatvuođaid. 
Sámiráđđi áitá váidálit ášši ON:a nállevealahanlávdegoddái jus Hannan ii geassal ruvkeplánain. 
Ikte leai Hannan jahkečoahkkin, Austrálias ja dát ášši ságastallojuvvui, muhto eai vel gieđahallan dan, dadjá Hannans stivraságadoalli Damien Hicks ja joatka:

- Ruoŧŧa sávvá iežas minerálalágain olgoriikkalaš fitnodagaide bures boahtima Ruŧŧii minerálaid ohcat. Ruoŧŧa ráđđehus lea vel ásahan geologalaš ásahusa, SGU, man juohkehas sáhttá ávkkástallat.

Hicks jahkká ahte eanet olgoriikkalaš fitnodagat bohtet Ruŧŧii.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".