Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Jåhkåmåhkke

Beanaráidovuodjin lobálaš álbmotmeahcis

Publicerat fredag 5 april 2013 kl 15.50
Beanaráidu

Eana- ja birasduopmostuollu Upmis lea dubmen ahte beanaráidofitnodagas lea njuolggus vánddardit Sáreka álbmotmeahcis oktiibuot 23 beatnagiin. Duopmu ii čuovvul Sirgása čearu mii oaivvilda ahte beanaráidovuodjin mearkkaša ilá ollu ráfehuhttima.

Frosty Trails fitnodat Vuolleriemes ozai skábmamánu loahppageažis lobi beanaráidovuodjimii ofelaččain Sáreka álbmotmeahci čađa Sirgása čearu eatnamiid siskkobealde.

Leanastivra Norrbottenis mieđihii lobi vánddardit Rinim-Liehtjitávrre-Bierikjávrre-Mikkastobu-Álkastobu mátkki ja fas ruoktut oktii gaskal 10 ja 17 beivviid cuoŋománus ja eanemusat 23 beatnaga ráiddus.

Sirgása čearru váidalii ja oaivvildii ahte šaddá ilá ráfehuhtti boazodollui. Čearru čujuhii dasa ahte muohtadálvvi geažil ollejit bohccot duoddarii mihá árabu go lávejit ja duoddaris lea unnán guohtun, danin bohccot leat hearkkit dán muttu jagis.

Dasalassin meidne čearru ahte beanaráidu vuodjá eatnama čađa gos gávdno riska ahte gavdnejuvvon bohccot mannet ránnáčerrui, dat dagaha váttisvuođaid goappaš čearuide.

Muhto Eana- ja birasduopmostuollu hilgu dasto čearu váidaleami. Duopmostuollu oaivvilda ahte leanastivrra eavttut eastadandihte ráfehuhttimiid lea doarvái, dat mearkkaša ahte fitnodat galgá váldit oktavuođa guoskevaš čearuiguin ovdal go mátki álggahuvvo ja ahte ferte válljet iežá golgangeainnu jus lea riska ahte ráfehuhttet bohccuid. 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".