Annie Lööf váhnemiid dállu Maramö, Smålanddas. Govvejeaddji: Dan Segerson/Sveriges Radio.
Ruoŧŧa

Málbmaohcan ministara luhtte sáhtášii veahkehit sámiid

"Mon in fal veallán"
1:31 min

Prospekterenfitnodat oaččui lobi ohcat minerálaid su eatnamiin, muhto ieš ii beassan ohcat málmma ealáhusministara luhtte. Dal son fievrrida ášši viiddáseappot, ja sávvá ahte su váigatvuođain šaddet vejolašvuođat dáidda čearuide main leat minerálaohcamat.

– Ruvkefitnodagain ja prospektevrrain lea mihá nannoseabbo seahtu lágas go eananeaiggádis. Eananeaiggádis ii leat makkárge fápmu, lohká Adam Dahlberg, ieš eananeaiggát davvi Smålanddas Ruoŧas.

Go son fuobmái ahte fitnodat lei ožžon lobi iskkadan dihte jos gávdnojedje minerálat su eatnamiin, de son suhtai. Son suhtai nu sakka, ahte ieš ozai guorahallanlobi ealáhusministtar Annie Lööf váhnemiid luhtte.

Minerálalága mielde guorahallanlohpi addojuvvo jos lea jáhkehahtti guorahallan buktá málmma mii gánnáha boltut. Ministara váhnemiid dállu lea guovllus mas gávdno váikko man ollu minerála lohká Adam Dahlberg. Muhto liikká dat eiseváldi mii gieđahallá dákkár áššiid Ruoŧas, Bergsstaten, hilggui su ohcamuša dan vuođu nalde ahte ii gávdnon málbma doppe.

Dalle son válddii ášši Lágalášvuođabearráigeahččái, ruoŧagillii JO, iskkadan dihte jos su ohcamuša hilgun lei lágalaš. Muhto dal lea máiddai JO hilgon ášši, dagakeahttá ja čilgekeahttá maidege.

– Dat dovdu hui imašlaččat. Lea dego massá dorvvu eiseválddiid gieđahallamis.

Dal son joatká fievrridit ášši, ja son sávvá su dáhpáhus šaddá neavvun dáidda main leat seammalágážat váttisvuođat, ovdamearkka dihte dáidda čearuide main leat ruvkeplánat.

– Go dal lea šaddan mu ovddasvástádusan čielggadit dán ášši, de in fal veallán, Dahlberg lasiha.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".