Stáhtaministtar Fredrik Reinfeldt (Govvejeaddji: Henrik Montgomery) ja Ol-Johán Sikku (Govvejeaddji: SVT)
Ruoŧŧa

Sámediggebellodat gáibida ruvkkiid bisseheami

"Lea seamme go Ruoŧa ráđđehus sádde militeara sámiid vuostá"
5:17 min

Ruoŧa Sámedikki bellodat Min Geaidnu gáibida albmosit visot ođđa ruvkedoimmiid bisseheami. Sii leat sádden reivve stáhtaministarii, ráđđehussii ja riikkabeaivebellodagaide gáibidan dihte earret eará prospekteremiid bisseheami ja minerálalága nuppástuvvama.

Gállokstuimmit leat dahkan ášši hui áigeguovdil, lohká bellodaga láidesteaddji Ol-Johán Sikku.

– Mii gáibidit ahte eksploateremat ja prospekteremat mat dal leat jođus galget bissehuvvot, ovdamearkka dihte Gállogis. Mii atnit ahte dat lea vuostá konvenšuvnnaid ja deklarašuvnnaid maid Ruoŧŧa lea čállán vuollái, Sikku lohká.

Reivve bakto gáibida Min Geaidnu-bellodat ahte stáhta bisseha visot ruvkeprospekteremiid Sámis, ahte šiehtadallagoahtá sámiiguin dain guovlluin main leat ruvkeplánat, ahte minerálaláhka nuppástuvvá, ja ahte visot ruvkebarggut čáhcebuođuid lahka bissehuvvot goit dán rádjái go lea guorahallan jos leat várálaččat prospekteret doppe. Ii vel leat boahtán vástádus bellodahkii, muhto sii doivot ságastallan ráđđehusiin livččii buorre dan dihte go stáhtas lea ášši ovddasvástádus, atná Ol-Johán Sikku.

– Lea dievva koloniseren, ja koloniseren ferte bissehuvvot. Min jurdda lea oažžut ságastallama ráđđehusain njuolgga, danin go Ruoŧa ráđđehusas lea ovddasvástádus. Dat dat lea mii addá ruvkefitnodagaide vejolašvuođaid eksploateret ja billistit eatnamiid ja mirkkohuhttit eatnamiid.

Dii han lehpet sámediggebellodat, got galgabehtet bargat Sámedikkis dáid áššiiguin?

– Dat lea selvi ahte dákkár áššiid mii boahtit loktet Sámedikkis maid. Sámedikkis mii fertet jođihit dákkar aššiid danin go addá eanet deattu. Mii fertet dego bellodat boktit ášši ja jođihit Ruoŧa ráđđehusa vuostá ja nu viidáseappot. Muđui das ii boađe mihkkige.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".