Lahtut RSR:a sieiva riikkačoahkkimis Eajras 2013. Govvejeaddji: Sophia Rehnfjell / SR Sápmi
RSR

Dehálaš áššit RSR:a liigečoahkkimis

"Joskus ferte mearradusa váldit"
1:08 min

Boahtte vahkku mátkkoštit ovddasteaddjit čearuin ja sámeservviin Ruoŧa Sámiid Riikkasearvvi liigeriikkačoahkkimii Stockhoalmmas. Čoahkkimis galget dušše gieđahallat guokte ášši, muhto leat guokte hui dehálaš ášši, sihke boazodoalu ja RSR:a boahtteáiggi várás.

Liigeriikkačoahkkimis gieđahallojuvvojit guokte ášši, vuohččan ođđa evttohus guohtunkonvenšuvdnii Ruoŧa ja Norgga gaskkas ja nuppádis RSR:a miellahtto-organisašuvnnaid divadiid mearri.

– Leat čearut mat galget beassat mearridit makkár boazoguohtunkonvenšuvdna galgá leahkit ja makkár konvenšuvnnain sáhttit joatkit dainna boazodoluin, lohká Aslat Simma, várrelahttu RSR:a stivrras.

Goappaš áššit leat dehálaččat boahtteáiggi várás. Norgga ja Ruoŧa ođđa guohtunkonvenšuvdna lea dehálaš riikkaidgaskasaš boazodoalu várás ja miellahtuid mávssuid mearri váikkuha olles RSR-lihtu boahtteáiggi.

– Mii diehtit RSR:as ii leat nu buorre ruhtadilli juste dal. Dat livččii vuohki čoavdit daid ruđalaš áššiid RSR:as, loktet daid divadiid.

Distaga liigečoahkkimis lea biddjon beannot diimmu dáidda guovtti áššiide. Aslat Simma doaivu dat lea doarvái áigi.

– Na, dat gal ii dieđe ovdagihtii. Muhto dat leat áššit mat leat ságastallojuvvon ovdal olu ja joskus ferte mearrádusa váldit nai.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".