Mats Karström, guoppardovdi Govva: Ánne-Máret Blind
Sápmi

"Boazobargit galggalivčče álgit guoppardovdin"

Son háluda dollut guoppar gurssit boázuvázzije
1:49 min

Nu dadjá biologa Mats Karström gii easkaládje lea almmuhan girjji man namma lea Svampar i Sverige (Guobbarat Ruoŧas). Jus boazobargit oahpalivčče dovdat várjaluvvon guobbariid, de sáhtále gádjut guohtuneatnamiid čuollamis, dadjá Karström. 

Várjaluvvon guobbarat lea vissát gait nannoseamos ággá meahccečuollamiiid vuoste, dadjá Karström. Son oaivvilda ahte jus boazobargit oahpalivčče dovdat várjaluvvon guobbariid meahcus, de sáhtále gádjut guohtuneatnamiid vuovdečuollamiin.

Biologa ja oahpaheaddji Mats Karström lea gádjun vuvddiid 25 jagi ja dán rádjái lea gádjun sullii 150 vuvddiid čuollamiin, earret iezá Jelka/Rimakåbbå meahcci Johkamohki guovllus.

Karström jođiha luonddujoavkku "lávki ovdalis" ja lea dáinna ovddidan vuogi got sáhttá oaidnit makkár mehciin lea stuora luondduárvu. Dáppe leat ain boares vuovddit ja ollu várjaluvvon divrrit ja šattut gávdnojit dušše dáppe. Iezá guovlluin Ruoŧas ja máilmmis leat jávkan, dadjá Karström.

Dál čakčat son háleda doallat guoppargurssiiid boazovázziide nu ahte sii ohppet dovdat várjaluvvon guobbariid ja dainnalágin sáhttet gádjut guohtuneatnamiid. Dán rádjái sus leat leamaš moadde gurssa juo, ja son geahččala oahpahit earret iežá sápmelaš ohppiide dalle go lea luondduohpaheaddji skuvllain.

Doaimmaheaddji: Ánne-Máret Blind

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".