Ráđđehusa návdeguorahalli Peter Egardt. Govva: Scanpix
Ruoŧŧa

Álkit báhčit návddiid mat fallehit bohccuid

"Báže álggos ja jeara maŋŋel"
1:13 min

Seamma bottus go návdi goddá bohcco berre boazovázzi beassat báhčit návddi, dat evttoha Ruoŧa návdekomitéa iežas árvalusas, mii addojuvvui Ruoŧa Ráđđehussii odne. 

Komitéa evttoha maiddái ahte stáhta berre áddit eanet ruđaid vahátbuhtádussan ja ahte boazovázzi berre oažžut buhtádusa maiddái eahpenjuolga vahágiid ovddas, lohká stáhta guorahalli Peter Egardt.

Árvalusas mii odne addojuvvui birasministarii evttoha návdekomitéa máŋgga rievdademiid ruomaspolitihka várás. Okta dain lea ahte boazovázzi galggašii oažžut buhtadusaid maiddái eahpenjuolga vahágiid ovddas, ovdamearkka dihte go návdi ráfehuhttá ealu,

Guorahalli Peter Egardt hálidivččii maiddái oaidnit Ruoŧa stáhta addit eanet ruđaid vahátbuhtadussan.

Muhto dat oassi árvalusas mii váikkuha Ruoŧa boazoeaiggádiid eanemusat leažžat ođđa njuolggadusat suodjalusbivddu várás mat evttohuvvot. Jurdda lea ahte boazovázzi galgá beassat vuohčit návddi, seamma bottus go dat falleha bohcco.

Áidna spiehkastat lea jos ovdagihtii diehtá ahte ruomas lea genehtalaččat dehálaš.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".