Nelson Mandela jámii duorastaga 95-jahkásažžan. Govva válddihuvvon 1994. Govva: AP Photo/The Star Tribune, Jerry Holt, File

”Nelson Mandela lea mearkkašan ollu álgoálbmogiidda”

Go guoská álgoálbmotjulggastussii ledje ANC njunušolbmot, Oliver Tambo ja Nelson Mandela, geat álggahedje dien barggu. Lulli Afrihka lea leamaš hui buorre álgoálbmotáššiiguin ja dat lea maiddái váikkuhan iežá stáhtaid Afrihkas gos álgoálbmogiin lea garra dilli. Nu dadjá Lars-Anders Baer, gii lea ollu bargan álgoálbmotáššiiguin.

ANC (African national congress) leai dat organisašuvdna maid Nelson Mandela jođihii. Nubbi olmmái lea Oliver Tambo ja dan botta go Mandela leai fánggas jođihii Tambo ANC.

Ruoŧa stáhta doarjjui ANC politihkalaččat ja ruđalaččat ja Ruoŧŧa leai vuosttaš riikka gosa Mandela manai go beasai olggus fánggas. Mandela giitii doarjaga ovttas maid sii ledje ožžon apartheidáiggis.

Sámi dilli leai dovddus gaskariikkalaččat dalle juo 1960-logus go leai dat nággu ahte Ruoŧŧa moittii lulli Afrihká. Sii ledje dieđusge dutkan sámi dili ja gávnnahan ahte sámi politihkka Ruoŧas leai seammá rasisttalaš vuođus go lulli Afrihkás. Dan njunušolbmot lulli Afrihkás geavahedje ággán Ruoŧa vuostá ja meinejedje lulli ahte Ruoŧŧa ságastii nu čábbát friddjavuođa, dásseárvvu ja rasismma vuostá, muhto ieža sii jođihedje seammalágán rasismma. Das leai veaháš politihkalaš nággu, muitala Lars-Anders Baer.

Sámit fas seahkanedje ja dolle oktavuođa ANC:ain go álgoálbmotlihkádus álggahuvvui ja ON álggii vuhtiiváldit álgoálbmotáššiid. Lars-Anders Baer muitala ahte son leai ieš muhton čoahkkimis 1993 Genevas rasismma ja apartheida vuostá. Son dadjá ahte dieppe ledje maiddái eará álgoálbmogat ja sii ordnejedje čoahkkima ANC:ain. Sii gávdnnahedje moddii ja ságastedje váttisvuođaid birra. Maŋŋel daid ságastallamiid njuolggai ášši ja Afrihká stáhtat dohkkehedje dan álgoálbmotdoahpaga.

Lulli Afrihká lea leamaš dehálaš álgoálbmot rahčamušas mannel go apartheid gahččai ja dieđusge váikkuhii ahte oaččuimet čađa julggaštusa ON:as, dadjá Lars-Anders Baer. Julggaštusas lea alla árvu. Dat lea ovttamielalaččat dohkkehuvvon ja boahtte jagi lea stuora konferánsa gos galgá ságastallojuvvot got julggaštus lea ollašuvvan ja mainnalágiin sáhttá dan buoridit vel eanet, muitala Lars-Anders Baer. Dát julggaštus lea dehálaš buohkaide ja earreliiggánit daidda olbmuide mat eallet garra dilis, dadjá Lars-Anders Baer.

                                                 
                                                  Ann Catrin Stenberg Partapuoli

                                                  SVT Ođđasat
                                                  anncatrin.stenberg.partapuoli@svt.se
                                                  073-292 80 99

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".